Nehemia 13:5 - MUMA MALER 2015

⁵ Odno ema yandi ikanoe chiwo mag cham gi ubani gi gik lemo mitiyogo e Hekalu, gi achiel kuom apar mag cham gi divai manyien gi modhi, mane ochiw ni jo-Lawi gi jower gi jorit dhorangeye kaka chik dwaro, kaachiel gi chiwo mane opog ni jodolo.

Motingʼo Loko Manyien

⁵ kendo ne osemiye ot malach kama yande ikanoe chiwo mar cham kod gik ubani kod gige hekalu, bende nikanoe achiel kuom apar mar cham, divai manyien gi mo kaka pok jo-Lawi, jower kod jorit dhorangeye, kaachiel gi chiwo mag jodolo.

Nehemia 13:5 Iomraidhean Croise

2 Weche mag Ndalo 31:11

Eka Hezekia nochikogi mondo gilos kuonde keno e Od Ruoth Nyasaye. Kane gisetimo kamano,

2 Weche mag Ndalo 34:11

Pesago jotich bao gi jogedo ne jong’iewogo kite mopa kod yiend ripo gi sirni, mondo gilosgo udi mane ruodhi mag Juda oseweyo okethore.

Nehemia 10:36

Bende wayie kelo e Od Nyasachwa yawuotwa makayo mokwong nywol ni jodolo matiyo e Od Nyasachwano, kaka ondiki e chik.

Nehemia 10:37

Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

Nehemia 10:38

To ka jo-Lawi choko achiel kuom apar mag chamgo, to jadolo ma ja dhood Harun nyaka bed kodgi. Jo-Lawi nyaka kel achiel kuom apar mag chamgo, to jodolo ma jadhood Harun nyaka bed kodgi. Jo-Lawi nyaka kel achiel kuom apar mag achiel kuom apargo e Od Nyasachwa mondo okan e ut keno mowinjore.

Nehemia 12:44

Chieng’no noyier ji mondo orit udi mibiro kanoe chiwo gi chamb gwel gi chiwo mar achiel kuom apar, kendo mondo ochok chiwo moa e gwenge mokiewo gi mier madongo mondo opog ni jodolo gi jo-Lawi kaka chik dwaro. Jo-Yahudi duto ne mor sidang’ kuom tich jodolo gi jo-Lawi.

Nehemia 13:7

mondo aduog Jerusalem. To kane ochopo kuno, eka nafwenyo gima rach mane Eliashib otimo kuom miyo Tobia ot laru mar Od Nyasaye.

Ezekiel 40:38

E laru maoko ne nitie ot moro momakore gi rangach maiye, odno ne nigi dhoot madonjo e ot maduong’ mane omanyore gi laru. Kanyo ema ne ilwokoe jamni monegi, midwaro timogo misenghni miwang’o pep.