Nehemia 13:4 - MUMA MALER 2015

⁴ To kane mago pok otimore, Eliashib jadolo mane oket jarit ut keno mag Od Nyasachwa, kendo mane wat Tobia, noyudo osemiyo Tobia ot maduong’.

Motingʼo Loko Manyien

⁴ Ka ma ne pok otimore, to Eliashib jodolo noseketi jarit kuonde keno mag od Nyasachwa. To ne en osiep Tobia machiegni ahinya,

Nehemia 13:4 Iomraidhean Croise

Nehemia 12:10

Jeshua nonywolo Joyakim, to Joyakim nonywolo Eliashib. Eliashib nonywolo Joyada,

Nehemia 12:44

Chieng’no noyier ji mondo orit udi mibiro kanoe chiwo gi chamb gwel gi chiwo mar achiel kuom apar, kendo mondo ochok chiwo moa e gwenge mokiewo gi mier madongo mondo opog ni jodolo gi jo-Lawi kaka chik dwaro. Jo-Yahudi duto ne mor sidang’ kuom tich jodolo gi jo-Lawi.

Nehemia 13:28

To noyudo ka achiel kuom yawuot Joyada ma wuod Eliashib jadolo maduong’ osekendo nyar Sanbalat ja-Horon. Emomiyo ne ariembe buta.

Nehemia 2:10

To kane Sanbalat ja-Horon kod Tobia ja-Amon ma misumba owinjo ni ng’ato osebiro mondo okel dongruok ni jo-Israel, ne gikecho ahinya.

Nehemia 3:1

Eliashib jadolo maduong’ kod jodolo mamoko ne jochako tich, mogero Rangach miluongo ni Ranga Rombe. Ne gichungo sirni mage, mi girwako thikene. Ne gigero ohinga mochopo kama oger mabor mar ng’icho mar Hamea, kendo nyaka kama oger mabor mar ngicho mar Hananel. Eka ne giguedhe.

Nehemia 6:1

Sanbalat gi Tobia gi Geshem ja-Arabi kod wasikwa mamoko nowinjo ni wasetieko gero ohinga, ma onge kamoro momukore modong’, kata obedo ni ne pok aketo thike mag dhorangeye.