Nehemia 13:25 - MUMA MALER 2015

²⁵ Nadhaw kodgi, mi ayanyogi, to jomoko kuomgi nagoyo, mi apudho yie wigi. Kendo namiyo gikuong’ore e nyim Nyasaye ni ok giniyie jogo okend nyigi, kendo ni ok ginikend nyi jogo, kata kendogi ni yawuotgi.

Motingʼo Loko Manyien

²⁵ Ne adhawonegi mi akwongʼogi. Ne agoyo chwo moko mi apudho yie wigi. Ne aketogi gikwongʼore e nying Nyasaye mi giwacho niya, “Kik uwe nyiu kend gi yawuotgi, kata nyigi bende kik kend gi yawuotu, to un bende kik ukend nyigi.

Nehemia 13:25 Iomraidhean Croise

2 Ruodhi 2:24

Nogoyo machiemo monenogi, kendo nokuong’ogi e nying Ruoth Nyasaye. Ondiegi ma mon ariyo noa e bungu, mokidho rawere piero ang’wen gariyo kuomgi.

Ezra 10:5

Ezra nochung’, momiyo jotend jodolo gi jo-Lawi kod jo-Israel okuong’ore ni ginitim gima gisewachono. Mi ne gichamo muma.

Ezra 7:26

Ng’ato ma ok orito chik Nyasachi, kata chikna, to mondo okume motegno, bed ni en buch tho, kata mar dare kitere kuma bor, kata mar peyo gige, kata mar tueye.”

Nehemia 13:11

Kuom mano nadhaw gi jodongo, ka apenjogi niya, “Marang’o Od Nyasaye owe nono?” Bang’e naluongo jo-Lawigo, mi adwokogi e tijgi.

Nehemia 13:17

Kuom mano nadhaw gi jodong Juda, ka awachonigi niya, “Utimo gima rach manadi, kuchido chieng’ Sabato marach kama?

Nehemia 13:24

Nyithindgi moko ne wacho dho Ashdod, kata dhok moro nono, to ne ok nyal wacho dho jo-Yahudi.

Nehemia 5:13

Bang’e nateng’o nangana, ka awachonigi niya, “Ng’ato ka ng’ato ma ok ochopo singruokni, to Nyasaye mondo oteng’ oko kuom joge kendo kuom mwandune, mana kaka aseteng’o nangana, modong’ nono.” Eka ji duto ma nochokore nowacho ni, “Obed kamano.” Mi ne gipako Ruoth Nyasaye. Bange ne gitimo kaka ne gisingore.

Nehemia 5:6

Kane awinjo ywagruokgino kod weche mane giwacho, mirima maduong’ nomaka.

Zaburi 119:53

To ka aneno joricho ka ketho chikni, to mirima pong’o chunya.

Zaburi 15:4

to ma charo jogo ma Nyasaye odagi. Joma oluoro Nyasaye to omiyo duong’. Pile otimo gima osesingore ni obiro timo, kata bed ni en gima biro hinye en owuon,

Wuok 34:16

Yawuotu bende dikend nyigi, to mondgigo dilam nyisechegi, mi gimi yawuotu weya, kendo lam nyisechegigo.

Ngeche 28:4

Joma ok oluoro chik pako joricho. Joma orito chik to kwerogi.

Isaya 50:6

Ne aloko dieng’eya ni joma goya, kendo nachiwo tika ni joma dwaro pudho. Wang’a bende ne ok apando kiyanya, kata king’udho kuoma olawo.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Rapar mar Chik 7:3

Kik uyie yawuotgi okend nyiu, bende kik yawuotu kend nyigi,

Joshua 23:12

nikech ka udok chien, mutimo osiep kod ogendini ma pod odong’ e kindu, kendo ukendoru kodgi,