Nehemia 13:2 - MUMA MALER 2015

² nikech ne ok giromo ni jo-Israel gi chiemo kata gi pi, to ne ging’iewo Baalam mondo okuong’gi. To Nyasachwa noloko kuong’no obedo gueth.

Motingʼo Loko Manyien

² nikech ne ok giromone jo-Israel gi chiemo kod pi, makmana to negichulo Balaam mondo okwongʼ-gi. (Kata kamano, Nyasachwa noloko kwongʼno obedo gweth.)

Nehemia 13:2 Iomraidhean Croise

Zaburi 109:28

We gikuong’a akuong’a, to in yie iguedha. Mad lo wasika duto, to an jatichni mondo abed gi mor.

Mika 6:5

Un joga, parieuru gima ne Balak ruodh Moab ochano timonu. Kendo kaka Balaam wuod Beor nodwoke. Bende parieuru gik mane otimore e yo, kua Shitim udhi Gilgal, mana ni mondo ung’e timbe madongo mane atimo mondo aresugo.”

Kwan 23:18

Mi Balaam nohulo wach moa kuom Nyasaye kama: “Balak a malo mondo iwinj! Wuod Zipor winji gima onyisa mondo awachi!

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Rapar mar Chik 23:3

“Jo-Amon gi jo-Moab kata mana nyaka nyikwagi mar apar kik donj e chokruok mar jo-Ruoth Nyasaye. Ok ginidonj e chokruokno,

Rapar mar Chik 23:4

nikech ne ok giromonu gi chiemo kata gi pi kane uwuok Misri, to bende nikech ne giluongo Balaam wuod Beor modak Pethor manie piny Mesopotamia mondo okuong’u.

Rapar mar Chik 23:5

To Ruoth Nyasaye ma Nyasachu ne ok odewo wach Balaam, mi noloko kuong’no obedonu mana gueth, nikech noherou.

2 Petro 2:15

Giseweyo yo ma oriere tir, mi gilal, nimar giseluwo mana yor Balaam wuod Boer, mane oketo chunye kuom yudo pok mar tim maricho.