Nehemia 13:13 - MUMA MALER 2015

¹³ Naketo Shelemia jadolo gi Zadok jakweno gi Pedaya ja-Lawi mondo obed jotend tijno, Hanan wuod Zakur ma wuod Matania obed jakonygi, nikech giduto ne gin joma kare. Tijgi ne en pogo ni jowetegi gik monego giyudi.

Motingʼo Loko Manyien

¹³ Ne aketo Shelemia jadolo, Zadok jandiko, kod ja-Lawi ma nyinge Pedaya kaka jachungʼ mar ute keno kendo ne aketo Hanan wuod Zakur, wuod Matania jalupgi, nikech jogi nokwan ka jo-ratiro. Nomigi tich mar pogo gigo mokel ne owetegi.

Nehemia 13:13 Iomraidhean Croise

2 Ruodhi 12:15

To bende ne ok penj kaka pesa tiyo, nikech joma nomi pesa mondo ochul jotich ne gin joma ogen.

2 Ruodhi 12:16

To chiwo mipwodhogo ketho mar gowi, kod mag golo richo ne ok kel e Od Ruoth Nyasaye, nimar ne gin mag jodolo.

2 Ruodhi 22:7

To kik penjgi kaka gitiyo gi pesa momigi, nikech gin joma ogen.”

Nehemia 10:12

gi Zakur gi Sherebia gi Shebania

Nehemia 10:38

To ka jo-Lawi choko achiel kuom apar mag chamgo, to jadolo ma ja dhood Harun nyaka bed kodgi. Jo-Lawi nyaka kel achiel kuom apar mag chamgo, to jodolo ma jadhood Harun nyaka bed kodgi. Jo-Lawi nyaka kel achiel kuom apar mag achiel kuom apargo e Od Nyasachwa mondo okan e ut keno mowinjore.

Nehemia 11:22

Jatend jo-Lawi ma ne odak Jerusalem ne Uzi wuod Bani ma wuod Hashabia ma wuod Bani ma wuod Hashabia ma wuod Matania ma wuod Mika, ma jadhood Asaf ma jower.

Nehemia 12:35

Jodolo moko bende nodhi kodgi, ka goyo tung’. Ne gin Zekaria wuod Jonathan ma wuod Shemaya ma wuod Matanaya ma wuod Mikaya ma wuod Zakur ma wuod Asaf,

Nehemia 12:44

Chieng’no noyier ji mondo orit udi mibiro kanoe chiwo gi chamb gwel gi chiwo mar achiel kuom apar, kendo mondo ochok chiwo moa e gwenge mokiewo gi mier madongo mondo opog ni jodolo gi jo-Lawi kaka chik dwaro. Jo-Yahudi duto ne mor sidang’ kuom tich jodolo gi jo-Lawi.

Nehemia 3:30

Hanania wuod Shemelia, kod Hanun wuod Zalaf mar auchiel ne jochako gero migawo moro e dir Shemaya. Meshulam wuod Berekia noloso ohinga e dir jogo, kama omanyore gi ode.

Nehemia 7:2

Bende naketo Hanani owadwa gi Hanania mane jatend kama ochiel motegno, mondo jobed jotend Jerusalem. Nayiero Hanania nikech ne en ng’at mogen kendo moluoro Nyasaye moloyo joma moko duto.

Nehemia 8:4

Ezra japuonj chik nochung’ ewi ndiri mar bao molos ni somo chik, ka Matithia gi Shema gi Anaya gi Uria gi Hilkia kod Maaseya ochung’ e bathe ma korachwich, to Pedaya gi Mishael gi Malkia gi Hashum gi Hashbadana gi Zekaria kod Meshulam to ne jochung’ e bathe ma koracham.

Luka 12:42

Eka Ruoth Yesu nowacho niya, “Ere ng’ato kuomu machalo gi jatich mogen kendo mariek, ma ruodhe biro keto mondo orit jotich wetene, kendo opognigi chiemo e kinde mowinjore?

Tich Joote 4:35

Pesago ne ipogo ni ng’ato ka ng’ato kaka dwarone chalo.

Tich Joote 6:1

E ndalogo, kane jopuonjre koro medore mang’eny, jo-Yahudi mong’eyo dho Grik nochako ng’ur gi jowetegi mong’eyo mana dho Hibrania kende, nikech mondgi ma chwogi otho ne ojwang’, mi ok yud pok mapile.

Tich Joote 6:3

Omiyo owetewa, yieruru ji abiriyo kuomu mung’eyo ni riek kendo ogen, bende mopong’ gi Roho Maler, mondo waket e tijni.

1 Jo-Korintho 4:2

To gima dwarore kuom jorit en ni nyaka gibed joadiera.

1 Timotheo 1:12

Agoyo erokamano ni Ruodhwa Yesu Kristo kuom miya teko mondo ati tijni, nikech nokwana ka jaadiera, mi oyiera mondo atine.

1 Timotheo 3:10

To kapok gichako tich to nyaka temgi, mondo one ane ka gionge ketho moro.