Nehemia 13:12 - MUMA MALER 2015

¹² Eka jo-Juda duto nokelo achiel kuom apar mag mo e ut keno.

Motingʼo Loko Manyien

¹² Jo-Juda duto nokelo achiel kuom apar mar cham, divai manyien kod mo e ute keno.

Nehemia 13:12 Iomraidhean Croise

2 Weche mag Ndalo 31:4

Bende nochiko joma nodak Jerusalem mondo ochiw ni jodolo gi jo-Lawi pokgi, mondo gichiwre ni chopo chik Ruoth Nyasaye.

2 Weche mag Ndalo 31:5

Kane wachni oselandore e piny, jo-Israel nochiwo cham ma gikwongo kayo, gi divai ma gikwongo loso, gi mor zeituni mokwongo nyak, gi mor kich, kod gik moko mag puodho, kendo ji mang’eny nokelo achiel kuom apar mag gik moko duto.

Nehemia 12:44

Chieng’no noyier ji mondo orit udi mibiro kanoe chiwo gi chamb gwel gi chiwo mar achiel kuom apar, kendo mondo ochok chiwo moa e gwenge mokiewo gi mier madongo mondo opog ni jodolo gi jo-Lawi kaka chik dwaro. Jo-Yahudi duto ne mor sidang’ kuom tich jodolo gi jo-Lawi.

Tim jo-Lawi 27:30

“Achiel kuom apar mag gik moko duto ma piny onyago, bed ni gin cham, kata olembe, gin mag Ruoth Nyasaye, kendo gin gik maler mowalne.

Malaki 3:10

Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete.

Malaki 3:8

Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’

Rapar mar Chik 14:22

“Higa ka higa nyaka uket tenge achiel kuom apar mag gik moko duto monyak e puotheu, kaka cham gi divai gi mo, kaachiel gi nyithind jambu duto mokwong nywol.