Nehemia 12:43 - MUMA MALER 2015

⁴³ Misango maduong notim chieng’no, kendo ji nobedo mamor nikech Nyasaye nosetimonigi gima omiyo gimor ahinya. Kata mana mon gi nyithindo bende nodoko mamor, kendo mahu mar mor mane otimore Jerusalem ne winjore gi kuma bor.

Motingʼo Loko Manyien

⁴³ To e odiechiengno negichiwo misango maduongʼ ka gimor nikech Nyasaye ne osemiyogi mor maduongʼ. Mon kod nyithindo bende ne mor. Koko mar mor mane ni e Jerusalem ne inyalo winjo gi kuma bor.

Nehemia 12:43 Iomraidhean Croise

2 Weche mag Ndalo 20:13

Jo-Juda duto, kaachiel gi mondegi kod nyithindgi kata matindo manadi, nochung’ e nyim Ruoth Nyasaye.

2 Weche mag Ndalo 20:27

Eka jo-Juda gi jo-Jerusalem ne jodok Jerusalem, ka Jehoshafat otelonigi, ka gimor nikech Ruoth Nyasaye nomiyo giloyo wasikgi.

2 Weche mag Ndalo 7:10

Due piero ariyo gadek due mar abiriyo Solomon nomiyo ji thuolo modok miechgi ka mor ahinya nikech gik mabeyo duto mane Ruoth Nyasaye osetimo ni Daudi gi Solomon, kendo ni joge Israel.

Ezra 3:13

Ji ne ok nyal pogo ywak gi mor, nikech koko mar ji ne duong’, kendo ne nyalo winjore gi kuma bor ahinya.

Nehemia 12:27

E kinde mane orwakie ohinga mar Jerusalem, noluong jo-Lawi duto, kamoro amora mane gidakie, mi gibiro Jerusalem mondo giwer kendo gigo erokamano e nyasino, ka gigoyo ongeng’o gi nyigwerni kod thumbe mamoko.

Nehemia 12:42

kaachiel gi Maaseya gi Shemaya gi Eleazar gi Uzi gi Jehohanan gi Malkia gi Elam kod Ezer. Jower nower matek, ka Izrahia otelonigi.

Ayub 34:29

Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Zaburi 27:6

Kamano analo wasigu molwora koni gi koni. Anachiw misengni e Hekalu gi mor, kendo anapak Ruoth Nyasaye gi wer.

Zaburi 28:7

Ruoth Nyasaye e tekra, kendo e okumbana. Asegeno kuome, mi okonya, omiyo amor kendo awerone wende pak.

Zaburi 9:2

Abiro wer gi ilo nikech in. A Nyasaye Maduong’ Moloyo, abiro pako nyingi gi wer!

Zaburi 92:4

A Ruoth Nyasaye, timbeni madongo miya mor, kendo awer gi ilo nikech gik ma isetimo.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Jeremia 31:13

Bang’e nyiri nomiel kendo nobed mamor, kendo yawuowi gi joma dongo bende nobed mail. Anakue chunygi kendo nalok lit ma gin go obed mor, kendo kuyo ma gin go obed ilo.

Jeremia 33:11

To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Kwan 10:10

E kinde ma utimoe nyasi, gi ndalo moketi mutimoe sewni, kod chieng’ mokwongo mar due ka due, unugo tung’ kutimo misengni miwang’o pep, kod misengni mag sawo, mi tungego nomi Ruoth Nyasaye ma Nyasachu paru. An e Ruoth Nyasaye ma Nyasachu.”

Mathayo 21:15

To kane jodolo madongo kod jopuonj Chik oneno honni mane otimo, kendo kaka ne nyithindo kok ei Hekalu ni, “Duong’ obed ni Wuod Daudi,” mirima nomakogi,

Mathayo 21:9

Joma notelo nyim Yesu, kod joma ne luwo bang’e nokok niya, “Duong’ obed ni Wuod Daudi! Ogwedh ng’ama biro e nying Ruoth! Duong’ obed ni Nyasaye e polo malo!”

Johana 16:22

Kamano e kaka un bende koro un gi kuyo, to anachak aneu kendo, mi unudok mamor, kendo onge ng’ama nomau mor ma un-gono.

Jo-Efeso 5:19

Weruru wende Zaburi, gi wende lemo ka un kaachiel, kendo kuwer kamano, to denduru Ruoth e chunyu.

Jakobo 5:13

Ka ng’ato kuomu nigi chandruok, to onego olem. To ka ng’ato nigi mor, to onego ower wende pak.

1 Samuel 4:5

Kane Sandug Muma mar Ruoth Nyasaye obiro e kambi, jo-Israel duto nokok matek, ma piny omor.