Nehemia 12:39 - MUMA MALER 2015

³⁹ Ne wakadho Ranga Efraim gi Ranga Dala Machon gi Ranga Rech gi kama oger mabor mar ng’icho mar Hananel kod mar Hamea nyaka wachopo e Ranga Rombe. Mi ne gichung’ e Ranga Od Jorito.

Motingʼo Loko Manyien

³⁹ negikadho Ranga Efraim, Ranga Jeshana, Ranga Rech, Kama Otingʼore gi Malo mar Hananel kod Kama Otingʼore gi Malo ma Mia Achiel nyaka ochopo Ranga Rombe. Negichungo e Ranga Od jarito.

Nehemia 12:39 Iomraidhean Croise

2 Ruodhi 14:13

Jehoash ruodh Israel nomako Amazia wuod Joash ma wuod Ahazia ruodh Juda, e Beth-shemesh. Nodhi Jerusalem, momuko bath ohinga ma borne mita mia ariyo, chakre dhoranga Efraim nyaka dhorangach kama ohinga ogomogo.

Nehemia 12:40

Kamano migep jower ariyogo nodhi mochung’ e Od Nyasaye, kaachiel gi an kod nus jotelo

Nehemia 3:1

Eliashib jadolo maduong’ kod jodolo mamoko ne jochako tich, mogero Rangach miluongo ni Ranga Rombe. Ne gichungo sirni mage, mi girwako thikene. Ne gigero ohinga mochopo kama oger mabor mar ng’icho mar Hamea, kendo nyaka kama oger mabor mar ngicho mar Hananel. Eka ne giguedhe.

Nehemia 3:25

Palal wuod Uzai nogedo momanyore gi kama oting’oreno, kendo momanyore gi od ruoth.

Nehemia 3:3

Ranga Rech to yawuot Hasenaa ema nogero. Ne gichungo sirni mage, kendo ne girwako thikene gi radedi kod lodi mage.

Nehemia 3:6

Joyada wuod Pasea kod Meshulam wuod Besodeya ne jogero Ranga Dala Machon. Ne gichungo sirni mage, mi girwako thikene gi radedi kod lodi mage.

Nehemia 8:16

Omiyo ji nodhi moomo bede yien, kendo ogerogo kichego, ka ng’ato ka ng’ato ogero mare owuon ewi tat ode, kata e laru mar dalane, kata e laru mar Od Nyasaye kata e laru momanyore gi Ranga Efraim.

Jeremia 31:38

Ruoth Nyasaye wacho niya, “Ndalo biro ma nochak ogerie dalani, chakre kama oger mabor mar ng’icho mar Hananel kochiko yo podho chieng’, nyaka rangach man kama ohinga gomogo.

Jeremia 32:2

E ndalono jolweny mag ruodh Babulon ne monjo Jerusalem, kendo noyudo Jeremia janabi otue e laru mar od ruoth.

Zefania 1:10

“Chieng’no, ywak nowinjre e dharangach miluongo ni Dhoranga Rech, kendo e bath dala koma nyien, bende koko maduong’ nogore e gode,

Johana 5:2

E Jerusalem kuno, e bath rangach miluongo ni Ranga Rombe, ne nitie yawo moro miluongo gi dho Yahudi ni Bethesda. Yawono ne nigi agolni abich.