Nehemia 12:30 - MUMA MALER 2015

³⁰ Jodolo gi jo-Lawi nopwodhore giwegi, eka ne gipwodho ji, kendo ne gipwodho dhorangeye kod ohinga.

Motingʼo Loko Manyien

³⁰ Ka jodolo gi jo-Lawi nosepwodhore maler kaka chik dwaro, ne gipwodho ji, dhorangeye, to gi ohinga.

Nehemia 12:30 Iomraidhean Croise

Chakruok 35:2

Omiyo Jakobo nowacho ni joode kod joma nodak kode niya, “Goluru nyiseche mag pinje mamoko ma un go. Pwodhreuru, kendo rwakuru lewni maler.

1 Weche mag Ndalo 15:14

Omiyo jodolo gi jolawi nopwodhore mondo oter Sanduk mar Ruoth Nyasaye ma Nyasach Israel kama noseikne.

2 Weche mag Ndalo 29:34

Jodolo ne nok ahinya, mane ok nyal yang’o jamni mitimogo misengni miwang’o pep, emomiyo jowetegi ma jo-Lawi nokonyogi tich nyaka jodolo moko notieko pwodhore. Jo-Lawi ne jokinda kuom tich pwodhruokgi moloyo jodolo.

2 Weche mag Ndalo 29:5

mi nowachonigi niya, “Winjuru un jo-Lawi! Pwodhreuru, kendo upwodh Od Ruoth Nyasaye ma Nyasach kwereu, kugolo chilo man Kama Ler.

Ezra 6:21

Joma nochamo Pasakano ne gin jo-Isarel mane oa e tuech, kaachiel gi jogo duto mane koro lamo Ruoth Nyasaye ma Nyasach Israel, bang’ weyo timbe dondruok mag ogendni ma koro nodak e pinyno.

Nehemia 12:29

kendo Beth-gilgal kod gwenge mag Geba gi Beth-azmoth, nikech jower nosegedo machiegni gi Jerusalem.

Nehemia 13:22

Bende nachiko jo-Lawi mane onego opwodhre mondo okaw tich mar rito dhorangeye ni nyaka gine ni chieng’ Sabato orit maler. A Nyasaye, par gima natimono bende, kendo iguedha, mi ikecha kuom herani maduong’ mosiko.

Nehemia 13:30

Kamano napwodho ji kuom gik moko duto moa e pinje mamoko, kendo nadwoko jo-Lawi gi jodolo e tijegi.

Ayub 1:5

Kane sawo ka sawo oserumo, Ayub ne chiew gokinyi mang’ich, kendo timo misango mondo opwodhgo nyithinde. Ne otimo kamano pile, koparo ni dipo ka achiel kuomgi oketho kuom yanyo Nyasaye gi chunye.

Wuok 19:10

Ruoth Nyasaye nowacho ni Musa niya, “Dhiyo, ipwodh ji kawuono gi kiny kendo inyisgi gilwok lepgi.

Wuok 19:15

Nowachonigi niya, “Ikreuru, kendo kik uriwru gi mon, mondo orucha oyud ka usepwodhoru.”

Jo-Hibrania 5:1

Jodolo madongo duto iyiero kuom ji, kendo iketogi mondo giti ni ji e nyim Nyasaye, ka gichiwo mich gi misengni migologo richo.

Jo-Hibrania 5:3

Mano emomiyo nyaka gitim misengni ma gigologo richogi giwegi mana kaka gitimo ni ji.