Nehemia 12:27 - MUMA MALER 2015

²⁷ E kinde mane orwakie ohinga mar Jerusalem, noluong jo-Lawi duto, kamoro amora mane gidakie, mi gibiro Jerusalem mondo giwer kendo gigo erokamano e nyasino, ka gigoyo ongeng’o gi nyigwerni kod thumbe mamoko.

Motingʼo Loko Manyien

²⁷ E sa mane igwedho ohinga mar Jerusalem, jo-Lawi nowal oa kama negidakie mine okelgi Jerusalem mondo gitim nyasi gi mor mogundho gi wende mag erokamano kendo ka gigoyo ongengʼo, nyatiti kod orutu.

Nehemia 12:27 Iomraidhean Croise

2 Samuel 6:12

Nonyis ruoth Daudi wach niya, “Ruoth Nyasaye oseguedho od Obed-edom kod gige duto nikech Sanduk mar Nyasaye ni kuno.” Omiyo Daudi nodhi moomo Sanduk mar Nyasaye e od Obed-edom, kendo nokele dalane gi mor.

1 Ruodhi 8:63

Solomon nochiwo ruedhi alufu piero ariyo gariyo, kod rombe alufu mia achiel gi piero ariyo, (120,000) kotimogo misengni mag sawo. Mano e kaka ruoth kod jo-Israel duto noyango Hekalu ni Ruoth Nyasaye.

1 Weche mag Ndalo 13:8

Daudi gi jo-Israel to ne jomiel gi tekregi duto e nyim Ruoth Nyasaye, ka giwer, kendo gigoyo thumbe gi nyidwonge gi ongeng’o kod tung’.

1 Weche mag Ndalo 15:12

Nowachonigi niya, “Un ma un jodong dhout Lawi, pwodhreuru kaachiel gi oweteu mondo uter Sanduk mar Ruoth Nyasaye ma Nyasach Israel kuma aseikone.

1 Weche mag Ndalo 15:16

Daudi nochiko jotend jo-Lawi bende mondo oyier owetegi ma jower molony kendo mong’eyo goyo thumbe mopogore opogore mamit.

1 Weche mag Ndalo 15:28

Kamano jo-Israel nokelo Sandug Muma mar Ruoth Nyasaye ka gigoyo sigalagala gi tung’ gi oporo gi ongeng’o gi nyigwerni kod thumbe.

1 Weche mag Ndalo 15:4

Nochoko bende joka Harun kod jo-Lawi kanyakla.

1 Weche mag Ndalo 16:42

Heman gi Jeduthun ne nigi tung’ gi ongeng’o kod kit thumbe moko mipakogo Nyasaye. To yawuot Jeduthun noket jorit dhoudi.

1 Weche mag Ndalo 16:5

Jotendgi ne gin Asaf, to jalupne ne Zekaria, to moko ne gin Jaaziel gi Shemiramoth gi Jehiel gi Matithia gi Eliab gi Benaya gi Obed-edom gi Jeyel mane jogo nyigwerni gi thumbe. Asaf ne goyo ongeng’o,

1 Weche mag Ndalo 23:5

to alufu ang’wen noket jorit dhorangeye, kendo alufu ang’wen mondo opak Ruoth Nyasaye gi thumbe mane Daudi oloso.

1 Weche mag Ndalo 26:31

E higa mar piero ang’wen mar loch Daudi, nonon anywola joka Hebron, kendo noyud ni kara joma riek ma nodak Jezer-gilead ne gin joka Hebron.

2 Weche mag Ndalo 29:25

Hezekia noketo jo-Lawi e Od Ruoth Nyasaye, momiyogi thumbe mopogore opogore, kaluwore gi chik Daudi, gi mar Gad janen mar ruoth, kod mar Nathan janabi. Chik mane jonabi ogolono noa kuom Ruoth Nyasaye.

2 Weche mag Ndalo 29:30

Bang’e ruoth Hezekia kod jodonge nochiko jo-Lawi mondo opak Ruoth Nyasaye gi wende mane Daudi kod Asaf janen ochwogo. Ne giwer gi mor, kendo ne gikulore ka gilamo Ruoth Nyasaye.

2 Weche mag Ndalo 5:13

Joma ne goyo tung’go kaachiel gi jower, ne wer ka pako Ruoth Nyasaye, kendo goyone erokamano. Ne gigoyo tung’ gi thumbe mopogore opogore ka gipako Ruoth Nyasaye gi wer niya, “Ruoth Nyasaye ber! Herane mosiko ochwere.”

2 Weche mag Ndalo 7:6

Jodolo nochung’ kargi, kendo jo-Lawi nopako Ruoth Nyasaye gi wende mane Daudi ochuogo ka giwer niya, “Herane mosiko ochwere.” Ne gigoyo thumbe mane Daudi oloso mondo odendgo Ruoth Nyasaye. Jodolo bende nogoyo tung’ ka ochung’ momanyore gi jo-Lawi.

Ezra 6:16

Bang’e jo-Israel duto, ma jodolo kod jo-Lawi gi ji duto mane oa e tuech, norwako Od Nyasaye gi mor maduong’.

Nehemia 11:20

Giduto ne giromo ji mia achiel gi piero abiriyo gariyo. Jo-Israel mamoko duto nodak e miech Juda, ka ng’ato ka ng’ato odak e dalane owuon.

Nehemia 12:43

Misango maduong notim chieng’no, kendo ji nobedo mamor nikech Nyasaye nosetimonigi gima omiyo gimor ahinya. Kata mana mon gi nyithindo bende nodoko mamor, kendo mahu mar mor mane otimore Jerusalem ne winjore gi kuma bor.

Nehemia 8:17

Kamano ji duto ma noduogo koa e tuech noloso kiche mi odakie. To gima kamano ne pok jo-Israel otimo chakre ndalo Joshua wuod Nun nyaka ndalogo. Kuom mano ne nitie mor maduong’.

Zaburi 149:3

Denduru nyinge ka umiel. Adier, gouru bul kod thum, kupakego,

Zaburi 30:1

A Ruoth Nyasaye, adendi nikech isewara, kendo ok iseyie mondo wasika ogona siboi.

Rapar mar Chik 16:11

Un kaachiel gi yawuotu kod nyiu, gi wasumbu machwo kod mamon, gi jo-Lawi modak e miechu gi jopinje mamoko gi nyithindo ma kiye kod mond liete modak kodu, nubed mamor e nyim Ruoth Nyasaye ma Nyasachu, kama obiro yiero mondo nyinge obedie.

Rapar mar Chik 20:5

Jodongo bende nowach ni jolweny niya, ‘Ka ng’at moro kuomu osegero ot manyien, to pok orwako, onego odog dala, nimar dipo ka otho e lweny, mi ng’at machielo ema orwako odno.

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.

Fweny 5:8

Kane Nyarombo okawo kitabuno kamano, gik moko ang’wen mangima kod jodongo piero ariyo gang’wen-go, nopodho piny e nyime. Moro ka moro kuomgi ne nigi thum kod tewni mag dhahabu ma ubani opong’o. Tep ubanigo ochung’ kar lemo mag jo-Nyasaye.