Nehemia 10:37 - MUMA MALER 2015

³⁷ Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

Motingʼo Loko Manyien

³⁷ “Bende wabiro kelo e kar keno mar od Nyasaye gik machalo kaka; chiembwa mokwongo mar lowo, chiwo mar chambwa, olembe mar yiendwa duto kod divai manyien; chiembwa mokwongo mar lowo, chiwo mar chambwa, olembe mag yiendwa duto kod divai manyien gi mo ni jodolo. Kendo wabiro kelo achiel kuom apar mag chambwa ni jo-Lawi, nikech gin ema oyienigi choko achiel kuom apar e mier duto ma watiyoe.

Nehemia 10:37 Iomraidhean Croise

2 Weche mag Ndalo 31:6

Jo-Juda gi jo-Israel mane odak e miech Juda nokelo achiel kuom apar mar dhok gi rombe bende, kod gik mosechiw ni Ruoth Nyasaye ma Nyasachgi, mi ne giketogi pidhe pidhe.

Nehemia 13:10

Nafwenyo bende ni jo-Lawi koro ne ok mi pokgi, omiyo gin, kaachiel gi jower, mane tiyo tich lemo mopogore opogore, ne gisedhi e puothegi.

Nehemia 13:12

Eka jo-Juda duto nokelo achiel kuom apar mag mo e ut keno.

Nehemia 13:5

Odno ema yandi ikanoe chiwo mag cham gi ubani gi gik lemo mitiyogo e Hekalu, gi achiel kuom apar mag cham gi divai manyien gi modhi, mane ochiw ni jo-Lawi gi jower gi jorit dhorangeye kaka chik dwaro, kaachiel gi chiwo mane opog ni jodolo.

Nehemia 13:9

Bang’ mano nagolo chik mondo opwodh odno, kendo odwokie gik lemo mag Od Nyasaye gi chiwo mag cham kod mar ubani.

Wuok 13:12

to nyaka uchiwne nyithindu machwo makayo duto. Nyithind jambu makayo machwo duto bende gin mag Ruoth Nyasaye.

Wuok 13:2

“Nyathi ka nyathi makayo nyaka walna, nikech dhano kata chiayo mokwong nywol e Israel en mara.”

Tim jo-Lawi 23:17

Nyaka ukel makati ariyo mugolo e miechu kaka mich moyiedhi. Nyaka losgi gi mogo mayom moromo kilo abiriyo moketie thowi, kendo nyaka chiwgi ni Ruoth Nyasaye ka chamb agwela.

Malaki 3:10

Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete.

Malaki 3:8

Dhano bende nyalo mayo Nyasaye gire koso?’ To adwokou niya, ‘Umaya adier!’ To ka upenja niya, ere kaka umaya? To adwokou niya, ‘Usemaya kuom dagi miya chiwo mar achiel kuom apar kod mag misengni kaka chik dwaro.’

Kwan 18:15

“Nyithindo makayo duto michiwo ni Ruoth Nyasaye nobed mau, bed ni gin mag dhano kata mag le. To nyaka war nyitnindo duto makayo mag dhano kod mag le ma ok ler.

Kwan 18:18

Ringgi to nodong’nu mana kaka agoko gi em ma korachwich mag mich moyiedhi dong’nu.

Kwan 18:21

“Jo-Lawi to amiyo achiel kuom apar mag gik moko duto obed pokgi kuom tich rito Hemb Romo.

Jo-Rumi 11:16

Ka makati mokwong tedo ochiw ni Nyasaye, to mano miyo makati duto bet maler, kendo ka tiend yath ler, to mano nyiso ni bedene duto ler.

Rapar mar Chik 14:22

“Higa ka higa nyaka uket tenge achiel kuom apar mag gik moko duto monyak e puotheu, kaka cham gi divai gi mo, kaachiel gi nyithind jambu duto mokwong nywol.

Rapar mar Chik 18:4

Bende nyaka umigi cham mukwongo kayo gi divai mukwongo loso, gi mor zeituni mokwongo nyak, kaachiel gi yie rombu mukwongo ng’ado,

Rapar mar Chik 26:2

to nyaka ng’ato ka ng’ato kaw gik moko duto mokwongo nyak e pinyno, kendo ket e atonga, mi dhigo kama Ruoth Nyasaye ma Nyasachu biro yiero mondo nyinge obedie.