Nehemia 10:34 - MUMA MALER 2015

³⁴ “Wan jodolo gi jo-Lawi, kaachiel gi ji mamoko, wasegoyo ombulu kwapogogo tich kelo yien miwang’ogo misango e kind dhoutwa, mondo dhoot ka dhoot okel yien e Od Nyasachwa, kaka ondiki e chik.

Motingʼo Loko Manyien

³⁴ “Wan; jodolo, gi jo-Lawi kaachiel gi ji mamoko wasegoyo ombulu mondo wayier chiengʼ ma dala ka dala biro chiwoe yien miwangʼogo misengini ewi kendo mar misango mar Jehova Nyasaye ma Nyasachwa e kinde moketi higa ka higa, mana kaka ondiki e Chik.

Nehemia 10:34 Iomraidhean Croise

1 Weche mag Ndalo 24:5

Nochan-gi gi ombulu, nimar ne nitie jodong Hekalu, ma tindeni jodong Nyasaye, kuom joka Eleazar, kendo kuom joka Ithamar bende.

1 Weche mag Ndalo 24:7

Ombulu mokwongo noyiero Jehoyarib, mar ariyo noyiero Jedaya,

2 Weche mag Ndalo 2:3

Solomon nooro ni Hiram ruodh Turo wach niya, “Kaka nitimo ni Daudi wuora, kikowone yiend sida mondo ogergo ode, yie itimna kamano an bende,

Ezra 3:5

To bende ne gitimo misengni mapile, gi misengni mag Sabato gi mago mitimo ka due opor, kod mag sewni moko duto mowal ni Nyasaye, kendo ne gichiwo mich mane ji okelo ni Ruoth Nyasaye kuom herogi.

Nehemia 11:1

Jodong Israel nobiro modak Jerusalem, to joma moko nogoyo ombulu moyiero ng’at achiel achiel kuom ji apar mondo odag Jerusalem, dala mowal ni Nyasaye. Ji modong’ to nodak e mier mamoko,

Nehemia 13:31

To bende nachano mondo okel chiwo mar yien kaka dwarore, kaachiel gi chamb agwela. A Nyasaye, para kendo iguedha.

Ngeche 18:18

Ka joma rateke ng’ang’ore e od bura, to ombulu ema nyalo thegogi.

Isaya 40:16

Yien duto manie piny Lebanon, kaachiel gi le duto man kuno, ok nyal romo timonego misango miwang’o pep.

Tim jo-Lawi 24:5

“Nyaka ukaw mogo, mi utedgo makati apar gariyo, ma moro ka moro oted gi mogo moromo kilo abiriyo.

Tim jo-Lawi 24:6

Nyaka uchan-gi e laini ariyo e mesa maler mochung’ e nyim Ruoth Nyasaye, auchiel e laini ka laini.

Kwan 28:2

Chik jo-Israel mondo ochiw gik mitimonago misengni miwang’o mondo obed chiemba madum tik mamit e kinde moketi.

Tich Joote 1:26

Eka ne gigoyo ombulu, mi ombulu nolwar kuom Mathia. Omiyo ne gikete mobedo ji joote apar gachiel.

Joshua 9:27

To chakre kanyono noketogi jobar yien kod joumb pi ni jo-Israel, kendo ni tich kendo-mar-misango mar Ruoth Nyasaye. Pod gitiyo kamano nyaka chil kawuono kamoro amora ma Ruoth Nyasaye oyiero.