Nehemia 10:32 - MUMA MALER 2015

³² “Bende wasingore ni higa ka higa wanachiw pesa moromo achiel kuom adek mar shekel ni tich Od Nyasachwa,

Motingʼo Loko Manyien

³² “Higa ka higa wabiro kawo tingʼ mar kelo osuru madirom achiel kuom adek mar shekel ne tij od Nyasachwa,

Nehemia 10:32 Iomraidhean Croise

Chakruok 28:22

kendo kidi ma asechungo ka sironi nobed odi. Bende anamiyi achiel kuom apar mag gik moko duto mimiya.”

1 Weche mag Ndalo 26:27

Ne giwalo gik moko kuom gik mane ope e lweny mondo otigo e Od Ruoth Nyasaye.

Nehemia 13:15

E ndalo gogo naneno jomoko e piny Juda mabiyo mzabibu chieng’ Sabato, mondo olosgo divai, kod joma choko divai gi mzabibu gi ng’owo gi gik ohala moko ma giyieyo kuom kenje chieng’ Sabato, kendo gikelo Jerusalem. Mi nakwerogi ni kik gihon chiemo chieng’ Sabato.

Nehemia 13:18

Donge ma e gima kwereu notimo, momiyo Nyasachwa osekelo masirani kuomwa kendo kuom dalawani? Koro umedo kelo mirimb Nyasaye kuom Israel, kuchido chieng’ Sabato.”

Nehemia 13:21

To nasiemogi ka apenjogi niya, “Ang’o momiyo ubworo but ohinga mar Jerusalem? Kuchako utimo kamano, to ubiro neno!” Bang’ mane ne ok gichako giduogo chieng’ Sabato kendo.

Nehemia 5:10

An awuon gi jowetena kod joga, waholo ji pesa kod cham, to ok wakaw ohala. Waweuru wach mar kawo ji ka joma osing kuom gope.

Nehemia 9:14

kendo nipuonjogi wach Sabato mari maler. Bende nimiyogi chike mabeyo gi dho Musa jatichni.

Wuok 23:11

To e higa mar abiriyo nyaka uwe onindi mak opure, mondo jou modhier ocham gik moloth kuno. To le mae thim nocham gik ma joma odhier oweyo kuno. Puotheu mag mzabibu, gi mag zeituni bende nyaka uwe kamano.

Ngeche 3:9

Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni.

2 Jo-Korintho 8:12

Ka uketo chunyu kuom chiwo, to Nyasaye biro yie mana gi gima uchiwo, to ok odwar mondo uchiw gima uongego.