Nehemia 1:1 - MUMA MALER 2015

¹ Magi e weche mag Nehemia wuod Hakalia: E due mar Kislev, e higa mar piero ariyo mar loch Artaxerxes, kane en Susa, dala ruoth,

Motingʼo Loko Manyien

¹ Magi e weche Nehemia wuod Hakalia: E dwe mar Kislev e higa mar piero ariyo, kane pod antiere kama ochiel gi ohinga motegno mar Susa,

Nehemia 1:1 Iomraidhean Croise

Ezra 10:9

Mi jo-Juda gi jo-Benjamin duto nochokore Jerusalem kapok ndalo adek orumo. Due piero ariyo due mar ochiko, ji duto nobet e laru manie nyim Od Nyasaye, ka kirni nikech luoro nomakogi, kendo nikech koth maduong’ ne goyogi.

Ezra 7:7

Higa mar abiriyo mar loch ruoth Artaxerxes, ema Ezra kod jo-Israel moko nodhiye Jerusalem kaachiel gi jodolo gi jo-Lawi gi jower gi jorit dhorangeye kod jotich Hekalu.

Nehemia 10:1

Joma noketo lwetgi ne gin Nehemia ma ruoth, ma wuod Hakalia, kod Zekaria,

Nehemia 2:1

Ne en due mar Nisan, e higa mar piero ariyo mar loch ruoth Artaxerxes. Kaka gamo divai ne en tichna, ne akawo divai, mamiyo ruoth, to nakuyo kachung’ e nyime.

Nehemia 5:14

To bende kuom higni apar gariyo duto mane abedoe jatend piny Juda, chakre higa mar piero ariyo mar loch ruoth Artaxerxes nyaka higa mar piero adek mar lochne, an gi jowetena ne ok wakawo chiemo mane oyie ni jatelo kawo kuom jopinyno.

Daniel 8:2

Ei fwenyno ne apo ka aneno ni ne an Susa, dala maduong’ mar piny Elam, ka achung’ e bath aora Ulai.

Zekaria 7:1

Chieng’ due ang’wen, due mar ochiko e higa mar ang’wen mar loch ruoth Darius, wach Ruoth Nyasaye nobiro ni Zekaria.