Nahum 1:3 - MUMA MALER 2015

³ Iye ok wang’ piyo, to en gi teko mathoth. Chutho ok onyal weyo joricho mak okumo. En gi yore moluwo ei kalausi kendo ei ahiti, bende boche polo e buru monyono.

Motingʼo Loko Manyien

³ Jehova Nyasaye iye ok wangʼ piyo kendo en gi teko maduongʼ. Jehova Nyasaye ok nowe joketho ma ok okumo. Yore moluwo ni ei kalausi gi ahiti, bende boche polo gin buch tiende.

Nahum 1:3 Iomraidhean Croise

2 Samuel 22:10

Nosudo polo machiegni, eka nolor, konyono rumbi molil ti.

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Ayub 10:14

ne irito mondo ine ane ka atimo richo, mana ni mondo itamri weyona richonano!

Ayub 38:1

Eka Ruoth Nyasaye nowuoyo gi Ayub gie boche polo, kowacho niya,

Ayub 9:4

Nyasaye riek malich, kendo en gi teko, ma onge ng’ama nyalo piem kode, mi loye.

Zaburi 103:8

En jang’wono kendo okecho ji. Iye ok wang’ piyo, bende onyiso herane mosiko.

Zaburi 104:3

mi igero dalani e pige man malo. Boche polo ema iidho ka gachi mar lweny,

Zaburi 145:8

Ruoth Nyasaye jang’wono, kendo okecho ji. Iye ok wang’ piyo, kendo ohero ji gi hera mosiko.

Zaburi 147:5

Ruoth Nyasaye duong’ miwuoro, bende riekone lach mokadho apima.

Zaburi 50:3

Nyasachwa biro, to ok obi ling’ aling’a. Mach mang’ang’ni nie nyime, kendo yamb koth maratipo kudho kolwore.

Zaburi 62:11

Pile asewinjo ka Nyasaye wacho ni teko duto gin mage,

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Jeremia 4:13

Neuru, wasigu biro mogingore ka boche polo. Gechegi mag lweny chalo gi kalausi, kendo faresegi ringo matek moloyo ongo. Yaye! Warumo!

Daniel 7:13

Kane aleko gotienono ne aneno gima chalo dhano kabiro ei boche polo, mi oter ir ng’at ma nyaka nene.

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.

Joel 2:13

Chunyu mondo otur, eka onyis ni uywagoru, to kik uyiech ayiecha lepu.” Duoguru ir Ruoth Nyasaye ma Nyasachu, nikech ong’won kendo okecho ji. Iye ok wang’ piyo, kendo onyiso herane mosiko, bende chunye lor a kuom kelo ni ji masira.

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Zekaria 9:14

Ruoth Nyasaye biro thinyore ewi joge malo, kendo obiro chielo asere mage ka mil polo. Obiro goyo tung’, mi odhi gi ahiti moa milambo.

Kwan 14:18

‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’

Mathayo 26:64

Yesu nodwoke ni, “Ero, isewacho, to awachonu ni chakre kawuono, ubiro neno Wuod Dhano kobet e bat korachwich mar Nyasaye Ma Nyalo Gik Moko Duto, kobiro e boche polo.”

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Fweny 1:7

Neuru, obiro gi boche polo, kendo ng’ato ka ng’ato nonene. Jogo mane ochwowe nonene, kendo ogendini duto mag piny nobed gi kuyo nikech en. Ber mondo obed kamano! Amin.