Mika 7:3 - MUMA MALER 2015

³ Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Motingʼo Loko Manyien

³ Lweteni duto ariyo olony e timo richo. Jatelo dwaro mich githuon, jangʼad bura kawo asoya, jogi maroteke chuno ji gi timo gigegi magidwaro, giduto kaachiel giwinjore e wachni.

Mika 7:3 Iomraidhean Croise

Ngeche 16:30

Tang’ ni ng’ama buonjo kodi, ka simi gi wang’e, nimar nyaka bed ni ochano timo gimoro marach.

Ngeche 17:23

Jong’ad bura maricho chamo asoya ling’ling’ mondo oketh bura.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Isaya 3:5

Ji nosandre kendgi giwegi, ka ng’ato ka ng’ato dhaw mana gi wadgi, to nyithindo bende yanyo joma dongo, kendo ji ajia chayo joma ogen.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 5:23

ubiro yudo kum, nimar uweyo joketho nikech asoya, to joma onge ketho ema utamo e adiera monego giyudi!

Jeremia 3:5

Uwuoyo kamano kuparo ni ok nakechi mochwere, kendo ni mirima ok nomaka kodu nyaka chieng’. Un jo-Israel, mano e gima nuwacho, to kata kamano, pod nutimo atima richo duto mane unyalo.”

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 8:10

Kuom mano mondgi kaachiel gi puothegi abiro miyo jomoko nono. Ji duto, madongo gi matindo, temo yudo pesa e yore mag miriambo, kata mana jonabi gi jodolo duto bende jomriambo,

Ezekiel 22:12

Jomoko kuomu chuero remo mana ni mondo oyud pesa. To moko bende okawo ohala kuom pesa ma giholo jo-Israel wetegi, kendo gidoko momew e yor wuond. Wiu osewil koda. An Ruoth Nyasaye ema awacho kamano.

Ezekiel 22:27

Ruodhi chalo gi otoche ma kidho le ma gimako. Gichuero remo mondo giyud mwandu.

Ezekiel 22:6

Jotend Israel duto osetiyo gi teko ma gin go, mi ginego ji.

Ezekiel 34:21

Ugoyo joweteu matuo gi mba, kendo utuomogi gi pat wiu, mi umiyo gipogore gia e kueth, kendo gike.

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Hosea 4:18

kendo gin e kanyakla mar jomer. Gidhi nyime gi timbegi mag chode, kendo gihero wichkuot moloyo nying maber.

Hosea 7:3

Ruoth Nyasaye wacho niya, “Ji wuondo ruoth gi jodonge kuom yoregi maricho.

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Mika 2:8

To Ruoth Nyasaye dwoko niya, “To donge un ema uselokoru wasik joga? Joma duogo gi kue kaa e lweny ka paro ni masira orumo, umayo lopegi.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Mika 3:2

To kata kamaano, umon gi gima ber, kendo uhero mana gima rach! Usando joga malit mana ka ondiek makidho rombo kendo yuyo ring’o oko kuom choke,

Mathayo 26:15

mopenjogi niya, “Ang’o ma dumiya, ka aketo Yesu e luetu?” Kuom mano ne gimiye siling’ piero adek.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.