Mika 4:4 - MUMA MALER 2015

⁴ To ng’ato ka ng’ato nodag e dalane gi kue, koyueyo e tipo yiend mzabibu mare kod ng’ope, ma onge gima goye kibaji. Ruoth Nyasaye Manyalo Gik Moko Duto ema osesingore kamano.

Motingʼo Loko Manyien

⁴ Ngʼato ka ngʼato nobed e bwo yiende owuon mar mzabibu kendo e bwo yiende owuon mar ngʼowu, kendo onge ngʼama nochak omigi luoro nikech Jehova Nyasaye Maratego osewacho.

Mika 4:4 Iomraidhean Croise

Zekaria 3:10

Chakre chieng’no un duto unudag e miechu gi kue, ka ng’ato ka ng’ato luongo wadgi mondo odhi olime. An Ruoth Nyasaye Manyalo Gik moko Duto ema awacho kamano.’ ”

1 Ruodhi 4:25

E ndalo Solomon duto, jo-Juda gi jo-Israel duto nodak e miechgii gi kue, chakre Dan yo nyandwat, nyaka Beer-sheba, yo milambo.

Ezekiel 39:26

Ka gichako gidak gi kue e pinygi giwegi, ka onge ng’ama bwogogi, to ok ginipar wichkuot mane giyudo kuom ndhok mane gindhogago.

Isaya 1:20

To ka udagi, mi upiem koda, to ligangla notieku. An Ruoth Nyasaye ema awacho kamano.”

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Ezekiel 34:28

Ogendini mamoko ok nochak oyakgi, bende ondiegi ok noneggi mi chamgi, to ginidag gi kue, maonge ng’ama bwogogi.

Isaya 58:14

to unubed moil kuom Ruoth Nyasaye, kendo enoteru ewi piny kama oting’ore, ka ulocho, bende enomiu mwandu mane osingore ni nomi Jakobo kwaru. Ruoth Nyasaye ema owacho kamano.

Isaya 40:5

Eka duong’ maler mar Ruoth Nyasaye nofwenyre, mi ji duto nonene kaachiel, nimar Ruoth Nyasaye owuon ema owacho kamano.”

Ezekiel 38:11

Iniwach e chunyi niya, ‘We adhi amonj piny kama ji odakie mos gi kueno. En gi mier ma ok ochiel gi ohinga, kendo maonge gi dhorangeye molor matek.’

Ezekiel 34:25

Anatim kodgi singruok makelonigi kue, bende anatiek ondiegi duto e piny, mondo romba obed gi kue, ka kwayo e thim, kendo nindo aninda e bungu.

Isaya 26:16

Ne wamanyi, A Ruoth Nyasaye, ka wan e chandruok, kendo kane ikumowa, to ne walami mos.

Tim jo-Lawi 26:6

“Anakel kue e pinyu, mi ununind maonge luoro. Anatiek ondiegi e pinyu, kendo lweny ok nomi pinyu kethre.

Ayub 11:19

Ok inibed ka iluoro wasiki, kendo ji mang’eny nobi mondo ikonygi.

Zaburi 72:3

Ji modak e gode madongo gi matindo onego odag maber gi kue.

Isaya 17:2

Ji ok nodag e mier mage nyaka chieng’, kendo miergo nodong’ mana kuonde ma jamni kwayoe mos ma onge gima thaggi.

Isaya 22:25

To an, Ruoth Nyasaye Manyalo Gik Moko Duto, amedo wacho ni, chieng’no musmal mane ogur motegnono nopudh oko. Adier, nong’ade mi olwar, kendo gik moko duto mayande olier kuome nokethi. An Ruoth Nyasaye ema awacho kamano.”

Isaya 36:16

Kik uwinj wach Hezekia, nimar ruodh Asuria owacho niya, ‘Winjreuru koda, mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

1 Ruodhi 5:5

Emomiyo koro adwaro gero ni Ruoth Nyasaye ma Nyasacha, ka aluwo singruok mane omiyo Daudi wuora, kowacho niya, ‘Wuodi ma naket ruoth kari ema nogerna Hekalu.’

Ngeche 3:25

Kik ibed maluor kineno ka joma ofuwo kihondko nego, kata ka masira omako joma timbegi mono,

Isaya 32:17

mi kue nosik nyaka chieng’, kendo luoro ok nobedie.

Jeremia 23:4

Anaketnigi jotelo ma noritgi maber, mi onge gima nobwoggi kata ma nomi gibed maluor, bende onge ng’ato kuomgi ma noyud kolal. An Ruoth Nyasaye ema awacho kamano.’

Mika 5:3

Kuom mano, Ruoth Nyasaye biro weyo joge e lwet wasikgi nyaka dhako ma muoch kayo nywol wuode. Bang’e jowete wuowino modong’ mak otho e tuech, noduogi mi chak riwre gi jowetegi.

Zefania 3:13

Jo-Israel modong’ noyud kar resruok e nying Ruoth Nyasaye. Ok ginichak gitim timbe mamono, kendo weche mag miriambo miwuondogo ji ok nowuog e dhogi, nimar ginichal gi rombe machiemo kendo nindo piny, ma onge ng’ama bwogo.’ ”