Mika 2:2 - MUMA MALER 2015

² Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.

Motingʼo Loko Manyien

² Gigombo puothe gi udi mag ji kendo gikawogi githuon. Giwuondo ngʼato ma gimaa dalane kendo kata anywolagi bende gimayo girkeni magi.

Mika 2:2 Iomraidhean Croise

1 Ruodhi 21:1

Naboth ja-Jezreel ne nigi puoth mzabibu thurgi, machiegni gi od Ahab ruodh Samaria.

2 Ruodhi 9:26

Donge Ruoth Nyasaye nowacho kuome ni, ‘Nyoro aneni kinego Naboth gi yawuote, to abiro chuloni kuor e puodhoni’? Omiyo kawe, ibole e puodhono, mondo wach Ruoth Nyasaye ochop kare.”

Ayub 31:38

Kapo ni asekwalo puodho ma apuro, mi amayo wuon-go,

Wuok 20:17

“Kik igomb od ng’ato, kata chi ng’ato, kata misumba ng’ato, kata dher ng’ato, kata kanj ng’ato, kata gimoro amora ma ng’ato nigo.”

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 5:8

Yaye, unune malit un joma medo gero udi agera, kendo ma medo yaro puothe ayara nyaka piny pong’ thich, mi udong’ kukwako piny!

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Ezekiel 18:12

Othiro joma odhier, bende omecho, kendo otamore dwoko gima osingne. Olamo nyiseche manono, kendo otimo timbe modwanyore,

Ezekiel 22:12

Jomoko kuomu chuero remo mana ni mondo oyud pesa. To moko bende okawo ohala kuom pesa ma giholo jo-Israel wetegi, kendo gidoko momew e yor wuond. Wiu osewil koda. An Ruoth Nyasaye ema awacho kamano.

Ezekiel 22:13

“Abiro tero lweta, mi akumu kuom mecho musemechogo kod chuero remo ma usechuero.

Ezekiel 33:26

Ligangla mau ema ugeno kuomgi. Timbeu mono, kendo ng’ato ka ng’ato terore gi chi wadgi. To eka pod uparo ni pinyno en maru!

Ezekiel 45:9

Ruoth Nyasaye nowacho niya, “Usetimo richo aming’a un jotend Israel. Weuru timbeu mag mecho kod mag thir muthirogo ji. To timuru mana gik makare kendo mowinjore. Bende kik uchak uriemb joga e lopgi kendo. An Ruoth Nyasaye ema awacho kamano.

Ezekiel 46:18

To ruoth marito piny moro kik thir joge kamayogi mwandu moro amora, to nyaka opog ni yawuote lowo kuom lowo mopogne, mondo kik othir joga komayogi lopgi.”

Ezekiel 8:17

Ruoth Nyasaye nopenja niya, “Wuod dhano, donge ineno mano? Timbe makuero ma isenenogo pok oromo jo-Judagi koso, ma pod gimedoe mana pong’o piny gi timbe mahunduni, ka gimedo miyago mirima? Neye kaka giyanya marach moloyo!

Amos 2:7

Unyono jochan piny, kendo udhiro joma odhier oko e yo. Wuowi gi wuon mare dhi ir dhako achiel ma jachode mar Hekalu, ka gidwanyogo nyinga maler.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Amos 8:4

Winjuru un joma nyono jochan, kendo temo manyo joma odhier.

Mika 3:9

Winjuru, un jo-Israel mochayo timbe makare, kendo ma loko adiera bedo miriambo.

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.