Mika 1:1 - MUMA MALER 2015

¹ Kitabuni ondikie weche mane Ruoth Nyasaye omiyo Mika ja-Moresheth e fweny kuom Samaria gi Jerusalem e kinde loch Jotham gi Ahaz gi Hezekia, ruodhi mag Juda.

Motingʼo Loko Manyien

¹ Wach Jehova Nyasaye mane obiro ne Mika ja-Moresheth e ndalo loch Jotham, Ahaz kod Hezekia Ruodhi mag Juda e fweny mane oneno kuom Samaria kod Jerusalem.

Mika 1:1 Iomraidhean Croise

2 Ruodhi 15:32

E higa mar ariyo mar loch Peka wuod Remalia ruodh Israel, Jotham wuod Uzia nodoko ruodh Juda.

2 Ruodhi 15:5

Ruoth Nyasaye nomiyo ruoth tuo mar dhoho, mi nodak e ot kar kende nyaka otho. Jotham wuode nodoko jatelo e od ruoth, morito piny,

2 Ruodhi 16:1

E higa mar apar gabiriyo mar loch Peka wuod Remalia ema Ahaz wuod Jotham nodokoe ruodh Juda.

2 Ruodhi 18:1

E higa mar adek mar loch Hoshea wuod Ela ruodh Israel, Hezekia wuod Ahaz nodoko ruodh Juda.

2 Weche mag Ndalo 28:1

Ahaz ne jahigni piero ariyo kane odoko ruoth, morito piny kuom higni apar gauchiel, kodak Jerusalem. To timbene ne ok long’o e nyim Ruoth Nyasaye kaka timbe Daudi kwar mare ne long’o.

2 Weche mag Ndalo 29:1

Hezekia ne jahigni piero ariyo gabich kane odoko ruoth, morito piny kuom higni piero ariyo gochiko, kodak Jerusalem. Min mare ne nyinge Abija nyar Zekaria.

Isaya 1:1

Ma e fweny ma wuoyo kuom Juda gi Jerusalem, mane Isaya wuod Amoz oneno e kinde mag loch Uzia gi Jotham, kod Hezekia, mane ruodhi Juda:

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Isaya 7:1

E kinde mane Ahaz wuod Jotham ma nyakwar Uzia obet ruodh Juda, Rezin ruodh Aram kod Peka wuod Remalia ma ruodh Israel ne jodhi monjo Jerusalem, to kawe notamogi.

Isaya 7:9

bende kata ni Samaria e dala maduong’ mar Efraim nokethi, mi ok nochak obed oganda kendo. Kuom mano, bed gi yie motegno kuom Nyasaye, nono to ok ibi chung’ mogurore.’ ”

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Hosea 1:1

Kitabuni ondikie weche mane Ruoth Nyasaye onyiso Hosea wuod Beeri e ndalo loch ruodhi Juda ma Uzia gi Jotham gi Ahaz kod Hezekia, kendo e ndalo loch Jeroboam wuod Jehoash ruodh Israel.

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Hosea 8:14

Jo-Israel osegero ut ruodhi, to wigi owil gi jachuechgi. Jo-Juda osegero mier mochiel motegno, to abiro oro mach mondo owang’ miego kaachiel gi ut ruodhigo.”

Amos 1:1

Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.

Amos 6:1

“Mano biro bedo wach marach manade kuom joma odak maber Sayun, kendo kuom joma ogeno ni gode mag Samaria nyalo resogi. Un joma dongo mag oganda maduong’ moloyo, ma joma jo-Israel dhi irgi mondo oyud konyruok,

Mika 1:5

Mago duto biro timore nikech jo-Israel oseketho, mi oweyo Nyasaye. Ere joma omiyo jo-Israel oweyo Nyasaye kamano? Gin mana jo-Samaria! Koso ere joma timo richo mar lamo nyiseche manono e piny Juda? Donge gin mana jo-Jerusalem?

Mika 3:9

Winjuru, un jo-Israel mochayo timbe makare, kendo ma loko adiera bedo miriambo.

Habakuk 1:1

Ma e wach mane Ruoth Nyasaye onyiso janabi Habakuk e fweny.

2 Petro 1:21

nikech onge wach mane okor mana nikech dwaro mar dhano. To ji ne wacho wach moa kuom Nyasaye, mana kaka Roho Maler ne telonigi.