Mathayo 9:8 - MUMA MALER 2015

⁸ Kane ji oneno gima otimore, ne giluor, mi gipako Nyasaye kuom miyo dhano teko ma kamano.

Motingʼo Loko Manyien

⁸ Ka oganda noneno gima notimore, negipongʼ gi luoro; kendo negipako Nyasaye, ma nosechiwo teko machal kamano ne ji.

Mathayo 9:8 Iomraidhean Croise

Mathayo 12:23

Ji duto nowuoro, kapenjore niya, “Bende ng’atni dibed wuod Daudi adier?”

Mathayo 15:31

Ji nowuoro kane gineno momni ka wuoyo, kendo rang’onde kochango, gi pudhe kawuotho, kod muofni kaneno, mine gipako Nyasach Israel.

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Mathayo 9:7

Ng’atno nochung’, modhi dala.

Mariko 2:12

Ng’atno nochung’, mokawo ng’angune odhi, ka jogo duto nene. Mano omiyo ne giwuoro ahinya kendo ne gimiyo Nyasaye duong’, ka giwacho niya, “Nyaka nene pok wanenoe gimoro machal kamano.”

Mariko 7:37

Kendo ji duto mane owinjo, nodhier nono, kawacho niya, “Mano kaka otimo gik moko duto maber! Kata mana joma itgi odino omiyo winjo wach, kendo joma momo omiyo wuoyo!”

Luka 13:13

Eka noketo lwete kuom dhakono, mi gikanyono dhakono norioere tir modendo Nyasaye.

Luka 17:15

Achiel kuomgi, kane oneno ni osechango, nodwogo ir Yesu kopako Nyasaye matek.

Luka 17:18

Ere gima omiyo japiny moro nononi kende ema oduogo mondo ogo ni Nyasaye erokamano?”

Luka 18:43

Gikanyono wang’e noyepo, mi oluwo Yesu, komiyo Nyasaye duong’, kendo kane ji duto oneno gima otimore, ne gipako Nyasaye.

Luka 2:20

Jokwath nodok kapako Nyasaye kuom gik mane gisewinjo kendo gineno, mana kaka malaika nosenyisogi.

Luka 23:47

Kane jaduong’ lweny oneno gima otimore, nomiyo Nyasaye duong’, kowacho ni, “Adier jali ne en ng’at makare!”

Luka 7:16

Ji duto mane ni kanyo nodoko maluor ahinya, kendo ne gimiyo Nyasaye duong’, ka giwacho ni, “Janabi maduong’ osewuok kuomwa,” Kendo ni, “Nyasaye osebiro mondo ores joge!”

Johana 15:8

Ka unyago olemo mang’eny, to umiyo Wuora duong’. Kamano unyiso ni un jopuonjrena.

Tich Joote 11:18

Kane giwinjo wechego, ne giling’, mi gimiyo Nyasaye duong’, ka giwacho ni, “Kara joma ok jo-Yahudi bende Nyasaye oseyie mondo olokre, mi yud ngima.”

Tich Joote 21:20

Bang’ winjo wechego, ne gimiyo Nyasaye duong’ eka ne giwacho ni Paulo ni, “Owadwa, ineno kaka jo-Yahudi gana gi gana oseyie kuom Yesu, kendo giduto giketo chunygi matek kuom rito Chik Musa.

Tich Joote 4:21

Kane jobura owinjo kamano, ne gimedo siemogi matek moloyo, to ne giweyogi gidhi. Ne ok ginyal nwang’o kaka digikumgi, nikech ji duto ne pako Nyasaye kuom gima ne otimoreno.

2 Jo-Korintho 9:13

Chiwouni biro nyiso ni umako chik Nyasaye, kendo ni uhulo Wach Maber man kuom Kristo gi adiera, omiyo gibiro miyo Nyasaye duong’, kendo ginipake nikech ng’wono ma utimonigi, kendo ni ji duto.

Jo-Galatia 1:24

Kuom mano ne gimiyo Nyasaye duong’ nikech an.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.