Mathayo 9:23 - MUMA MALER 2015

²³ Kane Yesu ochopo e od jaduong’no noyudo ji ka goyo asili, kendo ywak malit.

Motingʼo Loko Manyien

²³ Kane Yesu odonjo e od jatelono, moneno joma goyo asili kod oganda mane goyo koko,

Mathayo 9:23 Iomraidhean Croise

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

Jeremia 16:6

Joma omew kaachiel gi joma odhier biro tho e pinyni, to onge ng’ama noywaggi kata noyikgi. Onge ng’ama noter buchgi kata ma noliel wiye ma nyiso ni en e lit

Ezekiel 24:17

Chunyi to om aoma mos. Kik itim timbe mag ywak, kaka wuotho gi wich nono, kata wuotho gi tielo maonge wuoche. Bende kik ium dhogi, kata kik icham chiemo ma joywak chamo.”

Mathayo 11:17

‘Nende wagoyonu thum, to ne utamoru miel. Bende ka nende wagoyonu nduru, to ne udagi ywak.’

Luka 7:32

Gichalo mana nyithindo matugo e pap, ma moko kok ni jowadgi ni, ‘Nende wagoyonu thum, to ne utamoru miel. Bende ka nende wagoyonu nduru, to ne udagi ywak!’

Tich Joote 20:10

Eka Paulo bende nolor piny, mi oumore kuome mokwake, kendo owachonigi niya, “Weuru ywak! Osedoko mangima.”

Tich Joote 9:39

Petro noa malo modhi kodgi, kendo kane ochopo kuno notere e ot manie gorofa malo cha. Mond liete duto nochung’ bute kaywak, kendo nyise lewni mane Dorca osetwang’o kane pod ongima.

Fweny 18:22

Dwond joma goyo thum gi jower gi joma goyo asili gi joma goyo tung’ ok nochak owinj kuomi ngang’. Bende jotich matiyo tich moro amora ok nochak oyudi kuomi ngang’, kata dwond pong’ marego bende ok nowinji kuomi kendo.