Mathayo 9:17 - MUMA MALER 2015

¹⁷ Bende divai manyien mapok ochiek ok nyal ol e ndede moti, nikech ka otim kamano, to ndede diyiechi, mi kethre, kendo divai pukre. Kuom mano, divai manyien iolo mana e ndede manyien, eka divai gi ndede ok kethre.”

Motingʼo Loko Manyien

¹⁷ Kamano bende, ji ok nyal olo divai manyien e piende moti mag tingʼo divai. Ka gitimo kamano to piendego biro barore, mi divai pukre oko, kendo piende mag tingʼo divai biro kethore. Ooyo, giolo divai manyien e piende mag tingʼo divai manyien, eka iritogi maber giduto kargi ariyo.”

Mathayo 9:17 Iomraidhean Croise

Ayub 32:19

Ka ok ayudo thuolo mar wuoyo, to abiro barora ka puga mobarore gi chak!

Zaburi 119:83

An ng’at manono, mana ka puga mobarore, to pok wiya owil gi chikeni.

Mathayo 9:16

“Onge ng’ama nyalo bawo law moti gi rabaw manyien, nikech rabawno dijow lawno, mi med yieche moloyo.

Mathayo 9:18

Kane pod Yesu wachonigi wechego, jaduong’ od lemo moro nobiro ire, mogoyo chonge piny, kawachone niya, “Nyara oa tho sani, to yie ibi iket lweti kuome, mondo obed mangima.”

Mariko 2:22

Bende onge ng’ama nyalo olo divai manyien mapok ochiek e ndede moti, nikech kotimo kamano, to ndedego diyiechi mi kethre, kendo divai pukre. Kuom mano, divai manyien nyaka ol mana e ndede manyien!”

Luka 5:37

Bende onge ng’ama nyalo olo divai mapok ochiek e ndede moti, nikech kotimo kamano, to ndedego diyiechi, mi gikethre, kendo divai dipukre.

Luka 5:38

Kuom mano divai manyien nyaka ol mana e ndede manyien.

Joshua 9:4

Ne gikawo gunde moti moting’o chiemo motwo kendo mopur, mi giketo e ng’e kenjegi, kaachiel gi ndede mobaw obaw mag divai.