Mathayo 8:9 - MUMA MALER 2015

⁹ Ang’eyo kamano nikech an bende an ng’at michiko, to an awuon bende an gi askeche ma achiko. Ka awacho ni moro ni, ‘Dhiyo!’ to odhi, kendo ka awacho ni machielo ni, ‘Bi!’ to obiro. Jatichna bende ka awachone ni, ‘Tim kama’ to otimo.”

Motingʼo Loko Manyien

⁹ Nimar an bende an ngʼama ni e bwo loch kod jolweny manie bwoya. Ka awacho ne moro ni, ‘Dhiyo,’ to odhi; kendo ka awacho ne machielo ni, ‘Bi,’ to obiro. Bende, ka anyiso misumbana ni, ‘Tim ma,’ to otimo kamano.”

Mathayo 8:9 Iomraidhean Croise

Zaburi 119:91

Gik moko duto pod osiko nyaka chil kawuono mana nikech wachni, nimar giduto gitiyoni.

Zaburi 148:8

koda ka mach gi pe, kod pi malokore pe, kaachiel gi yamo madongo marito chikne.

Mathayo 8:10

Kane Yesu owinjo kamano, ne owuoro, mi owacho ni joma ne luwe niya, “Adiera awachonu ni pok anenoe yie machal gi mar ng’atni, kata mana kuom jo-Israel.

Mathayo 8:8

To jaduong’ lweny nowachone niya, “Ooyo, jaduong, an ok owinjore idonj e bwo tat oda, to wach mana wach kende, to jatichna biro kwo.

Mariko 1:27

Ji duto mane ni kanyo nohum nono, mi gipenjore e kindgi giwegi ni, “Mano wach manadi! Ma e puonj manyien! Ng’atni nigi teko mar kwero kata mana jochiende maricho, mi winje!”

Luka 4:39

Yesu nodhi mochung’ e bath dhakono, eka nokwero midhusu, mi midhusu oweye. Gikanyono noa malo motiyonigi.

Luka 7:8

Ang’eyo kamano, nikech an bende an ng’at michiko, to an awuon bende an gi askeche ma achiko. Ka awacho ni moro ni, ‘Dhiyo’, to odhi, kendo ka awacho ni machielo ni, ‘Bi’, to obiro. Jatichna bende ka awachone ni, ‘Tim kama’, to otimo”

Luka 9:1

Yesu noluongo jopuonjrene apar gariyo kaachiel, mi omiyogi teko mar golo jochiende duto, kod mar chango tuoche duto.

Jo-Kolosai 3:22

Un wasumbini bende, winjuru chutho ruodhiu mae pinyni, kendo ka utiyo, to kik uti mana ni mondo ji oneu, ka gima udwaro bedo malong’o ni ji, to keturu chunyu e tichu, nikech uluoro Ruoth

Tito 2:9

Nyis wasumbini mondo owinj ruodhigi e gik moko duto, kendo gitinigi maber ma ok gidwok wach.