Mathayo 8:4 - MUMA MALER 2015

⁴ Eka Yesu nowachone niya, “Kik ihul ni ng’ato wachni, to dhiyo ir jadolo mondo orang dendi. Bang’e itim misango mane Musa ogolo chikne mondo otim. Mano biro nyiso ji duto ni koro ichango.”

Motingʼo Loko Manyien

⁴ Eka Yesu nowachone niya, “Ne ni ok inyiso ngʼato wachni. To dhiyo mondo inyisri ne jadolo, kendo ichiw mich ma Musa nochiko, mondo obed ranyisi ne gin.”

Mathayo 8:4 Iomraidhean Croise

Isaya 42:21

Ruoth Nyasaye noneno ni ber mondo chikne obed gi duong’, mondo adierane olandre.

Mathayo 10:18

Noteru e nyim jotelo, kendo e nyim ruodhi nikech an, mi unuland Wach Maber ni jogo, kendo ni joma ok jo-Yahudi.

Mathayo 16:20

Bang’ mano, Yesu nokwero jopuonjrene matek ni kik nyis ng’ato ni en Mesia.

Mathayo 17:9

To kane oyudo gilor gia e got, Yesu nokwerogi ni kik ginyis ng’ato hono ma giseneno, nyaka chop chieng’ ma ochierie Wuod Dhano, koa kuom joma otho.

Mathayo 3:15

To Yesu nodwoke niya, “We otimre kamano sani, nimar kamano e kaka watimo gik moko duto ma Nyasaye dwaro.” Mano omiyo Johana ne oyie mondo obatise.

Mathayo 5:17

“Kik upar ni asebiro ni mondo aketh Chik Musa kata ni mondo aketh weche jonabi, to asebiro mana ni mondo achopgi.

Mathayo 6:1

“Beduru motang’ mondo kik utim timbe mabeyo e nyim ji mana ni mondo gineu, nikech kutimo kamano, to onge pok ma unuyud kuom Wuonu mae polo.

Mathayo 9:30

Gikanyono wengegi noyawore, to Yesu nokwerogi matek ni kik ginyis ng’ato wachno.

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Mariko 3:12

To Yesu nokwerogi matek mondo kik gihul ni en ng’a.

Mariko 5:43

To Yesu nokwerogi matek mondo kik ginyis ngato wachno. Eka nowachonigi ni mondo gimi nyathino chiemo ocham.

Mariko 6:11

To kamoro amora ma ji ok dwarue, to ayeuru, kendo teng’uru buch tiendu, mondo obednigi siem!”

Mariko 7:36

To Yesu nokwero ji ni kik ginyis ng’ato wachno, to kaka nomedo kwerogino e kaka ne gimedo lando wachno.

Mariko 8:30

Bang’ mano Yesu nokwerogi ni kik ginyis ng’ato ni en ng’a.

Mariko 9:9

Kane oyudo gilor gia e got, Yesu nokwerogi ni kik giwach ni ng’ato gima giseneno nyaka chop chieng’ ma Wuod Dhano nochierie koa kuom joma otho.

Luka 17:14

Yesu nonenogi, mowachonigi ni, “Dhiuru ir jadolo mondo orang dendu.” To kane oyudo gin e yo gidhi, ne gichango.

Luka 21:13

Mano e thuolo ma unuyudi mar hulo gik museneno.

Luka 4:41

Jochiende bende nowuok kuom ji mang’eny, kaywak ni, “In e Wuod Nyasaye!” To Yesu nokwerogi, motamogi ni kik gilosi, nikech gin ne ging’eyo ni en e Mesia.

Luka 5:14

To Yesu nokwere ni, “Kik inyis ng’ato wachni, to dhiyo ir jadolo mondo orang dendi. Bang’e itim misango kaka ne Musa ochiko mondo otim. Mano biro nyiso ji duto ni koro ichango.”

Luka 8:56

Jonywolne nohum nono, to Yesu nokwerogi ni kik ginyis ng’ato gima otimore.

Luka 9:21

Bang’ mano, Yesu nokwero jopuonjrene matek ni kik ginyis ng’ato ni en ng’a.

Johana 5:41

An ok adwar mondo ji omiya duong’.

Johana 7:18

Ng’at ma loso gi tekone owuon en ng’at madwaro mondo oyud duong’, to ng’at madwaro mondo ng’at mane oore oyud duong’ en jaadiera, kendo oonge gi miganga kata matin.

Johana 8:50

An ok adwar mondo umiya duong’, to nitie Jal madwaro mondo ayud duong’, kendo en ema nong’ad bura.