Mathayo 8:30 - MUMA MALER 2015

³⁰ To kueth maduong’ mag ngurue noyudo kwayo mochwalore gi kanyo.

Motingʼo Loko Manyien

³⁰ To mochwalore matin koa kama negintie, kweth maduongʼ mar anguro moko ne kwayo.

Mathayo 8:30 Iomraidhean Croise

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Tim jo-Lawi 11:7

Mbidhi bende nyaka ukuer, nikech kata ombong’ne opogore ariyo kamano to ok onyam kambula.

Mathayo 7:6

“Kik umi guogi gik maler, nimar dipo ka gilokore, gikayou. Bende kik ubol kiteu ma nengogi tek ni nguruwe, nono to ginyonogi gi tiendgi.

Mathayo 8:29

Ne gigoyo koko ka giwacho niya, “Yaye, Wuod Nyasaye, ilaro ang’o kodwa? Koso isebiro mondo isandwa kapok ndalo moketi ochopo?”

Mathayo 8:31

Jochiendego nokwayo Yesu niya, “Ka iriembowa, to terwa ir ngurue kande mondo wadonj kuomgi.”

Mariko 5:11

To noyudo ka kueth maduong’ mar ngurue kwayo e bath got, machiegni gi kanyo.

Luka 8:32

To noyudo ka kueth maduong’ mar ngurue kwayo e bath got, machiegni gi kanyo. Jochindego nohombo Yesu ni mondo oyienigi gidonj kuom nguruego, mi noyienigi.

Rapar mar Chik 14:8

Mbidhi bende kik ucham, nikech kata ombong’ne opogore kamano, to ok onyam kambula omiyo en gima kuero. Kik ucham lego kata mulogi kik umulgi ka gisetho.