Mathayo 8:29 - MUMA MALER 2015

²⁹ Ne gigoyo koko ka giwacho niya, “Yaye, Wuod Nyasaye, ilaro ang’o kodwa? Koso isebiro mondo isandwa kapok ndalo moketi ochopo?”

Motingʼo Loko Manyien

²⁹ Ne gikok matek niya, “Idwaro angʼo irwa ka, Wuod Nyasaye? Dibed ni isebiro ka mondo isandwa ka ndalo moketi pok ochopo?”

Mathayo 8:29 Iomraidhean Croise

2 Samuel 16:10

To ruoth nowacho niya, “Ang’o ma chandou koda, un yawuot Zeruya? We mondo okuong’a akuong’a. Ka Ruoth Nyasaye ema ochike mondo okuong’a to onge ng’ama nyalo penje gimomiyo otimo kamano.”

2 Samuel 19:22

To Daudi nodwoke niya, “Ang’o machandou koda, un yawuot Zeruya, momiyo udoko wasika tinendeni? Uparo ni bende dineg ng’ato e Israel kawuono adier? To kawuono eka ang’eyo ni kare an ruodh Israel!”

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

2 Ruodhi 3:13

Elisha nopenjo ruodh Israel niya, “An gang’o kodi? Dhiyo ir jokor weche ma wuoru gi meru ne dhiye!” To ruodh Israel nokwere ni, “Ok kamano nimar Ruoth Nyasaye ema osechokowa kanyakla, mondo oketwa e lwet jo-Moab.”

2 Weche mag Ndalo 35:21

To Neko noorone joote gi wach niya, “Walar ang’o kodi, ruodh Juda? In ok ema abiro monji kawuono, to abiro mana monjo dhoot ma an go gi lweny, kendo Nyasaye osechika mondo atim piyo. Kik ipiem gi Nyasaye man kora, nono to abiro tieki.”

Joel 3:4

“Un jo-Turo gi jo-Sidon kod jo-Filistia duto, ang’o mutimonani? Udwaro chulona kuor koso? Ka kamano, to kuor mudwaro chulono abiro dwoko e wiu uwegi ka diemo wang’.

Mathayo 4:3

Eka Satan nobiro ire, mowachone niya, “Ka in Wuod Nyasaye adier, to nyis kitegi mondo olokre kuon.”

Mathayo 8:30

To kueth maduong’ mag ngurue noyudo kwayo mochwalore gi kanyo.

Mariko 1:24

“In Yesu ja-Nazareth, ilaro ang’o kodwa? Isebiro mondo itiekwa koso? Ang’eyi. In Ng’ama Ler moa kuom Nyasaye!”

Mariko 3:11

E kinde duto mane jochiende maricho onenee, ne gipodho piny e nyime, ka giywak matek niya, “In e Wuod Nyasaye!”

Mariko 5:7

koywak matek niya, “Yaye! Yesu Wuod Nyasaye Maduong’ Moloyo! Ilaro ang’o koda? Kuong’rina gi nying Nyasaye ni ok nisanda.”

Luka 4:34

“Yaye, Yesu ja-Nazareth, ilaro ang’o kodwa? Isebiro mondo itiekwa koso? Ang’eyi! In Ng’ama Ler moa kuom Nyasaye!”

Luka 4:41

Jochiende bende nowuok kuom ji mang’eny, kaywak ni, “In e Wuod Nyasaye!” To Yesu nokwerogi, motamogi ni kik gilosi, nikech gin ne ging’eyo ni en e Mesia.

Luka 8:28

Kane oneno Yesu, ne oywak matek, mi opodho e nyime kokok niya, “Yaye! Yesu, Wuod Nyasaye Maduong’ Moloyo! Ilaro ang’o koda? Asayi kik isanda!”

Johana 2:4

To Yesu nowacho ni min niya, “Mama, ere gimomiyo ikelona wachni? Kindena pok ochopo.”

Tich Joote 16:17

Ne ojaluwo bang’ Paulo kod bang’wa kokok niya, “Jogi gin jotich Nyasaye Maduong’ Moloyo! Gilandonu kaka onego uyud warruok.”

Jakobo 2:19

Donge iyie ni Nyasaye en achiel? Mano ber! To kata mana jochiende bende nigi yie ma kamano, to yiegino miyo gikirni!

2 Petro 2:4

Nyasaye ne ok oweyo malaika mane oketho mak okumo, to nowitogi e mach ma ok tho, kuma otuegie e mudho gi nyororo ka girito Chieng’ Bura.

Juda 1:6

Malaika mane okalo tong’ mar teko momigi, mi oweyo kuma onego gibedie, bende Ruoth oseketo e mudho, kotue mochwere gi nyororo, nyaka chop ng’ad buchgi, Chieng’ Maduong’.

Jong’ad Bura 11:12

Bang’e Jeftha nooro joote ir ruodh jo-Amon, kopenje niya, “Ang’o milaro kodwa?”