Mathayo 8:22 - MUMA MALER 2015

²² Yesu to ne odwoke ni, “We joma otho oyik jogi motho. In to luwa!”

Motingʼo Loko Manyien

²² To Yesu nowachone niya, “In luwa, kendo we joma otho oik jogegi motho gin giwegi.”

Mathayo 8:22 Iomraidhean Croise

1 Ruodhi 19:20

Eka Elisha noweyo dhok, moringo olawo Elija, kendo owachone niya, “Dogi, to kik wiyi wil gi gima asetimoni.”

Mathayo 8:21

Eka ng’at moro, mane achiel kuom jopuonjre Yesu, nowacho ni Yesu niya, “Jaduong’, yiena mondo akwong adog ayik wuora, eka anabi aluwi.”

Mathayo 9:9

Yesu noa kanyo, kendo kane oyudo owuotho, noneno jasol osuru moro miluongo ni Mathayo, kobet kar solo osuru. Yesu nowachone ni, “Luwa!” mi Mathayo noa malo, moluwe.

Mariko 2:14

To kane oyudo owuotho, ne oneno jasol osuru moro miluongo ni Lawi wuod Alfayo, kobet kar solo osuru. Yesu nowachone ni, “Luwa!” mi Lawi noa malo, moluwe.

Luka 15:24

nikech wuodani ne osetho, to koro ongima kendo ne olal, to koro onwang’e.’ Kamano ne gichako timo nyasi ka gimor.

Luka 15:32

To owinjore wachiem kendo wabed mamor, nikech owaduni yandi otho, to koro ongima, kendo yande olal, to koro onwang’e.’ ”

Luka 9:59

Eka Yesu nowacho ni ng’at machielo ni, “Luwa!” To ng’atno nodwoke niya, “Jaduong’, yiena mondo akwong adog ayik wuora.”

Luka 9:60

To Yesu nokone ni, “We joma otho oyik jogi motho. Into dhiyo iland Wach Maber mar Loch Nyasaye.”

Johana 1:43

Kinyne Yesu ne dwaro dhi e piny Galili. Noyudo Filipo, mi owachone niya, “Luwa!”

Johana 21:19

Nowacho kamano mondo kit tho mane Petro biro miyogo Nyasaye duong’ ong’ere. To kane Yesu osewacho wechego, noko ni Petro ni “Luwa!”

Johana 21:22

Yesu nodwoke ni, “Ka adwaro ni mondo obed mangima nyaka aduogi, to mano obadhie ang’o? In to luwa aluwa.”

Jo-Efeso 2:1

Chon ne un joma otho nikech kethou kod richou.

Jo-Efeso 2:5

nimar kata obedo ni ne wan joma otho kamano nikech richowa, to nomiyo wadoko mangima kaachiel gi Kristo. Ng’wonone ema omiyo oseresou!

Jo-Efeso 5:14

nikech gima kite onenore malong’o e lela, lokore ler. Mano emomiyo iwero niya, “In ma inindo, chiew! Chier, ia kuom joma otho, mondo Kristo orieny kuomi.”

Jo-Kolosai 2:13

Kata obedo ni chon ne un joma otho gi chunyu nikech richou, kendo nikech ne un joma ok jo-Yahudi, tiende ni joma ok ter nyangu, to Nyasaye koro osemiyo udoko mangima kaachiel gi Kristo. Adier, noweyonwa richowa duto!

1 Timotheo 5:6

To chi liel mohero raha to osetho, kata obedo ni ongima.