Mathayo 8:18 - MUMA MALER 2015

¹⁸ Kane Yesu oneno oganda maduong’ kolwore, nowacho ni jopuonjrene mondo ging’ad nam, gidhi loka machielo.

Motingʼo Loko Manyien

¹⁸ Kane Yesu oneno oganda maduongʼ kolwore, nogolo chik mondo gingʼad nam gidhi loka nam komachielo.

Mathayo 8:18 Iomraidhean Croise

Mathayo 14:22

Bang’e Yesu nowacho ni jopuonjrene mondo odonj e yie, otel nyime loka machielo, ka en to pod ogonyo ji mondo odog miechgi.

Mathayo 8:1

Kane Yesu oselor oa e got, oganda maduong’ noluwe.

Mariko 4:35

Chieng’no godhiambo, Yesu nowacho ni jopuonjrene niya, “Wang’aduru nam, mondo wadhi loka cha.”

Mariko 5:21

Yesu nong’ado nam, modok loka machielo, kendo oganda maduong’ nobiro, mi olwore e dhowath kanyo.

Mariko 6:45

Gikanyono, Yesu nowacho ni jopuonrene mondo odonj e yie, otel nyime Bethsaida, loka nam komachielo, ka en to ne pod ogonyo ji mondo odog miechgi.

Mariko 8:13

Gikanyono noweyogi, odok e yie, mi ong’ado nam odok loka machielo.

Luka 8:22

Chieng’ moro Yesu nodonje e yie gi jopuonjrene, mowachonigi niya, “Wang’aduru nam mondo wadhi loka cha.” Kuom mano ne gisiayo yie.

Johana 6:15

Yesu nong’eyo ni ji dwaro make, kendo chune mondo obed ruoth, omiyo nopondo modhi e got kar kende.