Mathayo 7:6 - MUMA MALER 2015

⁶ “Kik umi guogi gik maler, nimar dipo ka gilokore, gikayou. Bende kik ubol kiteu ma nengogi tek ni nguruwe, nono to ginyonogi gi tiendgi.

Motingʼo Loko Manyien

⁶ “Kik umi guogi gima ler; bende kik udir ne anguro kite magu ma nengogi tek. Kutimo kamano to ginyalo nyonogi piny e bwo tiendegi mi gilokre kodu kendo gikidhu matindo tindo.

Mathayo 7:6 Iomraidhean Croise

Ngeche 11:22

Dhako ma jaber to onge gi rieko, chalo mana gi tere mar dhahabu morwak e um nguruwe.

Ngeche 23:9

Kik item wuoyo gi ng’at mofuwo, nikech obiro mana chayo riekoni.

Ngeche 26:11

Ng’at mofuwo ma nwoyo gima ofuwo ma osetimo chalo gi guok modok nang’o ng’okne.

Ngeche 26:4

Ka idwoko ng’at mofuwo e yo mofuwo, to inyalo doko mofuwo ka en,

Mathayo 15:26

Yesu nodwoke ni, “Ok en gima ber, wito chiemb nyithindo ni guogi.”

Mathayo 24:10

Ji mathoth nowe Nyasaye, mi ndhogre kendgi, kendo bed mamonre.

Mathayo 7:5

In miwuondori awuondani! Kwong igol yath maduong’ manie wang’i iwuon, eka ininen maler mondo igol pilni yath manie wang’ wadu!

2 Jo-Korintho 11:26

E wuodhena mang’eny pile ne aneno masiche e aore, kendo nayudo thagruok kuom jomecho, kendo kuom jo-Yahudi wetena kod kuom joma ok jo-Yahudi. Bende ne aneno masiche e mier, gi thim, gi nembe, kendo kuomowete mag miriambo.

Jo-Filipi 3:2

Beduru motang’ ni guogi ma gin joma timbegi richo, kendo moramo ni nyaka ter ji nyangu, ma en mana ketho ringruok kayiem nono.

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

Jo-Hibrania 6:6

to bang’e odok chien, ok nyal dwoki mi chak lokre kendo, nimar gin giwegi giguro Wuod Nyasaye e msalaba, kendo gimiyo ichaye ratiro.

2 Petro 2:22

Osetimorenigi mana kaka ngero wacho ni, “Guok odok nang’o ng’okne,” kendo ni, “Ngurue moselwoki odok ng’ielore e chuodho.”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.