Mathayo 6:9 - MUMA MALER 2015

⁹ “To un onego ulem kama: Wuonwa manie polo, nyingi mondo omi luor.

Motingʼo Loko Manyien

⁹ “Koro kama e kaka onego ulam: “ ‘Wuonwa manie polo, nyingi mondo omi duongʼ,

Mathayo 6:9 Iomraidhean Croise

2 Samuel 7:26

Nyingi mondo oyud duong’ nyaka chieng’ ka ji wacho niya, ‘Ruoth Nyasaye Manyalo Gik Moko Duto en Nyasach Israel.’ Kamano dhooda nodongi e nyimi,

1 Ruodhi 8:43

to yie mondo iwinj e polo kama idakie, kendo itim duto ma ng’at ma wendono okwayi. Kamano ji duto mae piny mondo ong’e nyingi, kendo oluori, mana kaka jogi Israel oluori, kendo mondo ging’e ni Hekalu ma asegeronini en mari adier.

1 Weche mag Ndalo 17:24

Singruoknino mondo ogurre, kendo nyingi oyud duong’ nyaka chieng’, ka ji wacho niya, ‘Ruoth Nyasaye Manyalo Gik Moko Duto, ma Nyasach Israel en Nyasachgi adier!’ Kamano dhooda nodongi e nyimi.

2 Weche mag Ndalo 20:6

mokwayo niya, “A Ruoth Nyasaye ma Nyasach kwerewa, donge in e Nyasaye manie polo? Donge in e ruodh ogendini duto? Nyalo gi teko duto nie lueti maonge ng’ato manyalo siri.

Nehemia 9:5

Eka jo-Lawi ma Jeshua gi Kadmiel gi Bani gi Hashabnia gi Sherebia gi Hodia gi Shebani kod Petyhahia, nowacho niya: Chung’uru kendo upak Ruoth Nyasaye ma Nyasachu, kuwachone ni, “Higni gi higni ipako nyingi moluor, mokadho dend kod pak.”

Zaburi 111:9

Ne okelo warruok ni joge, mi otimo kodgi singruok mosiko. Mano kaka nyinge ler, kendo duong!

Zaburi 115:3

Nyasachwa ni e polo malo, kendo otimo gimoro amora modwaro.

Zaburi 72:18

Pakuru Ruoth Nyasaye ma Nyasach Israel! En kende ema otimo gik malichgi.

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 6:3

Ne giluongore, ka moro ka moro kok ni wadgi niya, “Mano kaka Ruoth Nyasaye Manyalo Gik Moko Duto ler! Oler adier! Yaye mano kaka oler! Piny duto opong’ gi duong’ne.”

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Ezekiel 36:23

Ka anyiso ogendini kaka nyinga maduong’ mane ukelone wichkuot, en nying maler, to eka gining’e ni an e Ruoth Nyasaye. An Ruoth Nyasaye ema awacho kamano. Gima abiro timonu ema nonyis ogendini ni an Ng’ama Ler.

Ezekiel 38:23

Mano e yo ma ananyisgo ogendini duto ni aduong’ kendo aler. Eka gining’e ni an e Ruoth Nyasaye.”

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

Habakuk 2:14

Kinde biro chopo ma joma ong’eyo duong’ mar Ruoth Nyasaye nopong’ie piny ka, mana ka pi mopong’o nam.

Zekaria 14:9

Chakre chieng’no, Ruoth Nyasaye nobed ruodh piny ngima, kendo ji duto nolame ka Nyasachgi, mi ng’eye gi nyinge achiel ma Ruoth Nyasaye.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Mathayo 10:29

Oyundi ariyo donge ing’iewo otonglo achiel kende? To kata kamano, onge kata achiel kuomgi manyalo lwar piny mak Wuonu ong’eyo.

Mathayo 23:9

Bende ki uluong ng’ato ni wuonu e piny ka, nimar un gi Wuoro achiel kende, manie polo.

Mathayo 26:29

Awachonu ni chakre kawuono ok nachak amadh divai ngang’ nyaka chop amadh divai manyien kodu e piny Wuora.”

Mathayo 26:42

Yesu nochako odok mar ariyo, mi olemo niya, “Wuora, ka kikombeni ok nyal kadho mak amadho, to gima idwaro ema mondo otimre.”

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Mathayo 5:48

Emomiyo nyaka ubed malong’o chuth, mana kaka Wuonu mae polo long’o.

Mathayo 6:14

“Ka uweyo ni ji richogi, to un bende Wuonu mae polo nowenu richou.

Mathayo 6:6

To in, kilemo, to donj e odi kar kendi, ilor dhoot. Eka ilam Wuonu ma ok ne mi Wuonu nogo, maneno gik motim ling’ling’, nomiyi pokni.

Mathayo 7:11

Koro, ka un joma richo kama ema ung’eyo miyo nyithindu gik mabeyo, to Wuonu mae polo donge dibed mamor kuom chiwo gik moko mabeyo ni joma okwaye?

Luka 15:18

Abiro dhi kawuora, mi awachne ni, “Wuora, aseketho e nyim Nyasaye kendo e nyimi,

Luka 15:21

Eka wuowino nowacho ni wuon niya, ‘Aseketho e nyim Nyasaye, kendo e nyimi. Ok awinjora koro mondo iluonga ni wuodi.’

Luka 2:14

“Duong’ obed ni Nyasaye e polo malo, kendo kue obedi e piny, ni joma Nyasaye oyiero!”

Johana 20:17

To Yesu nowachone ni, “We maka, nikech pok aidho adhi ka Wuora, to dhiyo ir owetena, mondo iwachnigi ni, an aidho adhi ka Wuora ma bende Wuonu. Adier, adhi ka Nyasacha ma Nyasachu.”

Jo-Rumi 1:7

Kuom mano andikonu un ji duto man Rumi, ma Nyasaye ohero, kendo oseluongo mondo obed joge. Ng’wono gi kue moa kuom Nyasaye Wuonwa gi Ruoth Yesu Kristo mondo obed kodu.

Jo-Rumi 8:15

To Roho ma useyudo ok loku wasumbini mondo uchak ubed maluor. Ooyo, Rohono lokowa nyithind Nyasaye, omiyo ng’ato ka ng’ato kuomwa ywak ni Nyasaye, ka luonge ni, “Baba! Wuora!”

Jo-Galatia 1:1

An Paulo kaachiel gi owete duto ma wan-go wandikonu un kanyakla mar jo-Kristo man Galatia. An Paulo, andiko kaka jaote ma ok teko mar dhano ema oketo, nikech onge ng’ama ne oketa jaote, to mana Yesu Kristo, gi Nyasaye Wuoro mane ochiere oa kuom joma otho ema ne oketa.

Jo-Galatia 4:6

To Nyasaye ne dwaro nyisou ni un yawuote, omiyo nooro Roho mar Wuode e chunywa. En Roho maywak ni, “Baba! Wuora!”

1 Timotheo 6:16

En kende ema ok otho, kendo odak e ler ma dhano ok nyal chopoe. Onge dhano mosenene, kata manyalo nene. Pak gi loch ma nyaka chieng’ obedne! Amin.

1 Petro 1:17

Ka ulemo, to uluongo Nyasaye ni Wuoro, Jal mang’ado ni ji duto bura, kaka tim ng’ato ka ng’ato obet, ma ok odewo wang’ ng’ato, omiyo nyaka uluore ndalo duto ma udakgo ka welo e pinyka.

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”

Fweny 5:12

Ne giwer matek niya, “Nyarombo mane onegi owinjore yud teko gi mwandu gi rieko gi loch kod luor gi duong’ kod pak!”