Mathayo 5:9 - MUMA MALER 2015

⁹ “Jothek gin johawi, nikech noluonggi ni nyithind Nyasaye.

Motingʼo Loko Manyien

⁹ Joma kelo kwe gin joma ogwedhi, nimar noluong-gi ni nyithind Nyasaye.

Mathayo 5:9 Iomraidhean Croise

1 Weche mag Ndalo 12:17

Daudi nowuok romonigi, mowachonigi niya, “Ka usebiro ira kaka osiepe mondo ukonya, to arwakou gi mor. To ka ubiro ni mondo undhoga, kendo uketa e lwet wasika, to onge gima aseketho, to Nyasach kwerewa mondo one wachno, kendo ong’adnu bura.”

Zaburi 120:6

Asedak aming’a mokadho gi joma ok dwar kue.

Zaburi 34:12

Donge duher bedo mamor? Koso donge dudwar dak aming’a gi mor?

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Mathayo 5:48

Emomiyo nyaka ubed malong’o chuth, mana kaka Wuonu mae polo long’o.

Luka 20:36

Adier ok ginyal tho kendo, nikech gichal gi malaika, kendo gin nyithind Nyasaye, nimar gin joma osechier.

Luka 6:35

To un nyaka uher wasiku, kendo utimnigi maber, bende nyaka uhol giu ka ok ugeno ni didwoknugi. Eka unuyud pod maduong’ kendo unubed nyithind Ngama Duong’ Moloyo. En ong’won ni joma ok gone erokamano, bende ong’won ni joricho.

Tich Joote 7:26

Kinyne ne oneno ja-Israel ariyo kagore, mi ne otemo thegogi kowachonigi niya, ‘Yawa, un owete, to ere gimomiyo utimoru kamano?’

Jo-Rumi 12:18

Temuru mondo kanyalore, to udag gi ji duto gi kue.

Jo-Rumi 8:14

Ji duto ma Roho mar Nyasaye otelonigi gin nyithind Nyasaye.

Jo-Rumi 8:16

Roho owuon oriwore gi chunywa kanyisowa ni wan nyithind Nyasaye.

Jo-Rumi 8:19

Gik moko duto mochue rito kogeno ahinya mondo Nyasaye omi nyithinde ofwenyre.

1 Jo-Korintho 6:6

momiyo ja-Kristo donjo ni ja-Kristo wadgi mana e nyim buch joma ok oyie kuom Kristoni?

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

2 Jo-Korintho 5:20

Omiyo wan joote Kristo, kendo Nyasaye owuon ema wuoyonu gi dhowa. Wasayou e nying Kristo ni mondo uwinjru gi Nyasaye.

Jo-Galatia 5:22

To gik ma Roho nyago gin: hera, mor, kue, horuok, ng’wono, ber, bedo jaadiera,

Jo-Efeso 4:1

Emomiyo, an ng’at motue nikech Ruoth, akwayou ni mondo uwuoth mowinjore gi luong mane Nyasaye oluongougo.

Jo-Filipi 4:2

Akwayo Yuodia gi Suntuke mondo jowinjre kuom Ruoth.

Jo-Kolosai 3:13

Beduru jogo ma ng’wono ni joma timonigi marach, to kik ubed joma mako sadha gi jowadgi. Ruoth oseweyonu richou, omiyo un bende nyaka uwe ni joma timonu marach.

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.