Mathayo 5:8 - MUMA MALER 2015

⁸ “Joma onge gi richo e chunygi gin johawi, nikech ginine Nyasaye.

Motingʼo Loko Manyien

⁸ Jomaler gie chunygi gin joma ogwedhi, nimar ginine Nyasaye.

Mathayo 5:8 Iomraidhean Croise

Chakruok 32:30

Jakobo nowacho niya, “Aseneno Nyasaye wang’ gi wang’, to pod angima!” Omiyo nochako nying kanyo ni Peniel (tiende ni, wang’ Nyasaye).

2 Samuel 22:27

Iler ni joma ler, to wiyi tek ni joma wigi tek.

Zaburi 15:2

Nyaka obed ng’ama oluoro Nyasaye e yore duto, kendo ma pile timo gik makare, bende ma wechene gin adier, kendo ma onge miganga.

Zaburi 18:26

Iler ni joma ler, to wiyi tek ni joma wigi tek.

Zaburi 24:4

Ng’atno nyaka bed mana ng’at ma timbene beyo, kendo ma chunye long’o. En ng’at ma ok lam nyiseche manono, kendo ma ok kuong’re gi miriambo.

Zaburi 51:10

A Nyasaye, chuena chuny manyien, kendo miya paro malong’o mopong’ gi luor.

Zaburi 51:6

To chuny man gi adiera ema idwaro, omiyo pong’ parona gi riekoni.

Zaburi 73:1

Mano kaka Nyasaye ng’won ni jo-Israel! Adier, ong’won ni jogo man gi chuny makare!

Ngeche 22:11

Inyalo bedo osiep ruoth kiperogo. Ruoth Nyasaye to ohero mana ng’ama jaadiera.

Tich Joote 15:9

Nopuodho chunygi nikech ne giyie kuome, kotimonigi mana kaka notimonwa.

1 Jo-Korintho 13:12

Koro waneno mana kido matiptip ka joma neno e rang’i marachrach, to chieng’no wananen malong’o. Rieko ma an-go sani en rieko morem, to chieng’no anang’e Nyasaye chuth, mana kaka Nyasaye ong’eya.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Tito 1:15

Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.

Jo-Hibrania 10:22

wasuduru ir Nyasaye gi chuny maradier, kendo ka wan gi yie motegno, bende ka chunywa manyisowa ni wan joketho opwodhi, kendo ka ringrewa olwoki gi pi maliw.

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

Fweny 22:4

Gininene wang’ gi wang’, kendo nyinge nobed e lela wang’gi.