Mathayo 5:3 - MUMA MALER 2015

³ “Joma ong’eyo ni ok long’o e nyim Nyasaye gin johawi, nikech gueth mar Loch Polo en margi.

Motingʼo Loko Manyien

³ “Joma odhier gie chunygi gin joma ogwedhi, nimar pinyruodh polo en margi.

Mathayo 5:3 Iomraidhean Croise

2 Weche mag Ndalo 33:12

Koro kane en e thagruok, nohombo Ruoth Nyasaye ma Nyasache mondo ong’wonne.

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

2 Weche mag Ndalo 33:23

Amon achielni ne ok obolore e nyim Ruoth Nyasaye kaka Manase wuon mare nobolore, to nomedo ketho moloyo.

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

2 Weche mag Ndalo 7:14

to ka joga miluongo gi nyinga obolore ka lama kendo dwara, ka giweyo yoregi maricho, eka nawinj e polo, mi nawenigi richogi kendo nares pinygi.

Ayub 42:6

Omiyo wiya okuot kuom gigo duto ma asewacho kendo achara kenda awuon, ka abet e lowo gi buru.”

Zaburi 1:1

Ng’ama ok oyie gi puonj joma richo, kendo ma ok luw timbe joricho, kata ma ok riwre gi joma ochayo Nyasaye, en jahawi.

Zaburi 112:1

Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

Zaburi 128:1

Ng’ato ka ng’ato moluoro Ruoth Nyasaye, kendo marito chikene, en jahawi.

Zaburi 146:5

To ng’at ma Nyasach Jakobo konyo, kendo ma ogeno kuom Ruoth Nyasache,

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Zaburi 34:18

Ruoth Nyasaye chiegni gi joma chunygi onyosore, kendo owaro joma chunygi osea chuth.

Zaburi 41:1

Ng’at ma konyo joma odhier en jahawi. Ruoth Nyasaye norese ka en e thagruok.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Zaburi 84:12

A Ruoth Nyasaye Manyalo Gik Moko Duto, mano kaka joma ogeno kuomi gin johawi!

Ngeche 16:19

Ber bedo gi jochan kibolori, moloyo bedo gi josunga, kipogo kodgi gik moyaki.

Ngeche 29:23

Sunga ema miyo ji podho. Joma muol to yudo luor.

Ngeche 8:32

Koro un yawuota, winjuru gima awacho, nikech joma timo kaka anyisogi gin johawi.

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Mathayo 11:6

To ng’at ma wachna ok chwany chunye en jahawi!”

Mathayo 13:16

“To un, un johawi, nikech wengeu neno, kendo itu winjo wach.

Mathayo 19:14

Yesu to nowachonigi ni, “Weuru nyithindo obi ira! Kik utamgi, nikech joma kamagi ema yudo gweth mar Loch Polo.”

Mathayo 24:46

Jatich ma ka ruodhe oduogo, to yudo katiyo kamano, en jahawi.

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Mathayo 3:2

Ne owacho niya, “Lokuru chunyu, nikech Loch Polo chiegni.”

Mathayo 8:11

Bende awachonu ni ji mang’eny nobi koa yo wuokchieng’ gi yo podho chieng’, kendo ginibed e Piny Ruodh Polo, ka gichiemo gi Ibrahim gi Isaka kod Jakobo.

Mariko 10:14

Kane Yesu oneno ka jopuonjrene kwero jogo kamano, nosin, mi owacho ni jopuonjrene niya, “Weuru nyithindo obi ira! Kik utamgi, nikech joma kamagi ema yudo gweth mar Loch Nyasaye!

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Luka 18:14

Eka Yesu, notieko kawacho niya, “Akonu ni ng’atni nodok dala ka ni kare e nyim Nyasaye moloyo ng’at machielo cha, nimar ng’at ma ting’ore malo nodwok piny, to ng’at ma dwokore piny noting’ malo.”

Luka 22:29

kendo kaka Wuora osechano mondo omiya teko mar loch, e kaka un bende asechano mondo uyud loch.

Luka 22:30

Unuchiem kendo unumethi koda e pinya, kendo unubed e kombe ruodhi, kung’ado bura ni dhoudi apar gariyo mag Israel.”

Luka 4:18

“Roho mar Ruoth Nyasaye ni kuoma, nikech oseyiera mi owira, mondo aland Wach Maber ni joma odhier. Oseora mondo ahul ni joma otue ni koro ogonygi, kendo ni muofni ni oyaw wengegi, bende ni, mondo ahul ni joma isando ni giyudo thuolo

Johana 20:29

Eka Yesu nowachone ni, “In iyie nikech isenena. Joma ok onena, to oyie, gin johawi!”

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Jakobo 1:10

To owadwa ma jamoko bende mondo obed mamor ka Nyasaye odwoke piny, nikech jamoko biro lal nono mana ka maua mae thim.

Jakobo 1:12

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

Fweny 19:9

Eka malaikano nowachona ni, “Ndik niya, ‘Joma oluongi e kisera mar Nyarombo gin johawi.’ ” Eka nomedo wachona niya, “Mano e wach mar adier mar Nyasaye.”

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.

Fweny 3:17

Iwacho ni in jamoko man gi mwandu mathoth, kendo onge gima ichando, to ikia ni in ng’at machandore moloyo. In ng’at modhier chuth ma jachan, Kendo in muofu bende in duk.