Mathayo 5:22 - MUMA MALER 2015

²² An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho!

Motingʼo Loko Manyien

²² Anto anyisou ni ngʼato angʼata ma mirima omako gi nyawadgi ibiro ngʼadne bura. Bende, ngʼato angʼata mowachone nyawadgi ni, ‘Raka,’ ma tiende ni ifuwo, nyaka yal e buch jo-Sanhedrin. To ngʼato angʼata mowacho ni, ‘Ifuwo nade,’ biro neno chandruok mar mach mar Gehena.

Mathayo 5:22 Iomraidhean Croise

Chakruok 37:4

To kane owetene mamoko oneno ni wuon-gi ohero Josef moloyogi duto, ne gidoko mamon kode, kendo na gidagi wuoyo kode maber.

Chakruok 37:8

Owetene nodwoke ka penje niya, “Iparo ni chieng’ moro inibed ruodhwa mondo itiwa?” Mi ne gimedo doko mamon kode ahinya, nikech lek mane owacho ni olekono.

2 Samuel 16:7

Weche mane Shimei okuong’o e magi: “Aye, in dhand remo, ng’ama achach!

2 Samuel 6:20

Daudi bende nodok e ode mondo one joode. To Mikal nyar Saulo nowuok romone, mowachone niya, “Tho! Mano duong’ manadi ma nende ruodh Israel oyudo kawuono, komore duk e nyim nyiri ma tiyo ni jotichne, koelore ka ng’ama ofuwo!”

1 Ruodhi 21:4

Kuom mano Ahab nodok dala ka iye owang’, motamore chiemo.

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

2 Weche mag Ndalo 19:5

Noketo jong’ad bura e miech Juda duto mochiel gi ohinga,

Nehemia 5:8

Eka namedo wachonigi niya, “Jo-Yahudi weteu mane jopinje mamoko ong’iewo, wasewaro mwadwoko, kaka wanyalo, to un koro uuso mana joweteu uwegi, to mano biro chunowa mana ni nyaka wawargi kendo!” Ne giling’ ka dhogi omoko.

Zaburi 109:3

Giwacho gik malich kuoma, kendo gibuka, maonge gima omiyo.

Zaburi 14:1

Joma ofuwo wacho e chunygi niya, “Nyasaye ongee.” Giduto gin joma okethore, kendo gisetimo gik maricho miwuoro. Adier, onge kata ng’at achiel matimo gima ber!

Zaburi 25:3

Ji ma ogeno kuomi ok yud wichkuot, to joma piem kodi kayiem ema wigi kuot.

Zaburi 35:19

Kik iwe loya, mi wasika ma jomiriambogo gona siboi, bende kik iwe joma mon koda kayiem bed mamor nikech chandruok ma an go.

Zaburi 37:8

Kik ibed gi mirima, kendo kik iwe iyi wang’, nikech mano nyalo teri e richo.

Zaburi 49:10

Oneno ni kata joma riek bende tho, mana ka joma ofuwo kod joma oming’, kendo mwandugi dong’ mana ni jomoko nono.

Zaburi 69:4

Joma mon koda kayiem nono ng’eny, moloyo yie wiwa gi ng’eny, bende joma hangona wach kendo dwaro nega, rateke mokadho! Ne gichuna mondo amigi gik mane ok akwalo.

Zaburi 7:4

kata ka po ni asendhogo osiepna moro, kata ka asehinyo jasika kayiem nono,

Zaburi 92:6

Nitie gimoro ma ng’ama ofuwo ok nyal ng’eyo. Adier, ng’ama ming’ ok nyal winjo ni,

Ngeche 14:16

Ng’at mariek tang’, kendo loko dieng’eye ni richo. Ng’ama ofuwo to mwomore amwoma nikech ok oluoro gimoro.

Ngeche 18:6

Weche ng’at mofuwo kelo dhaw, omiyo owinjore gi goch.

Jeremia 17:11

Ng’ato ma yudo pesa e yor miriambo chalo gi winyo matoyo tong’ mane ok otoko. Gibiro lalne kapok obet ng’at moti, kendo bang’e nolokre mana ng’at mofuwo.”

Ywagruok 3:52

Joma ne mon koda kayiem nono, oseriemba malit, mana ka winy miriembo.

Daniel 3:13

Kane ruoth owinjo kamano, mirima mager nomake, mi ogolo chik mondo okel ji adekgo ire.

Daniel 3:19

Eka mirima mager nomako Nebukadnezar, mi wang’e olokore remo ni Shadrak gi Meshak kod Abednego. Nochiko joge mondo ochwak mach obed maliet nyadibiriyo moloyo kaka ne oliet pile,

Obadia 1:10

Notieku kendo nochau nyaka chieng’ nikech ne unego oweteu ma joka Jakobo muyakogi.

Obadia 1:12

“Ne ok onego ubed mamor gi masira mane oweteu ma jo-Juda oyudo, bende ne ok onego unyiergi chieng’ rumbgi. Ne ok onego usungru kuneno ka gin e chandruok.

Mathayo 10:17

To beduru motang’ ni ji, nimar ginimaku mi yalu e bura, kendo ginichwadu e utgi mag lemo.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Mathayo 12:24

To jo-Farisai ka ne owinjo kamano, ne giwacho ni, “Jali golo jochiende mana nikech Beelzebul ruodh jochiende ema omiye teko mar timo kamano.”

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Mathayo 18:21

Bang’e Petro nobiro ir Yesu, mopenje ni, “Ruoth, owadwa dikethna nyadidi, kapod aweyone aweya? Dawene nyaka ndalo abiriyo koso?”

Mathayo 18:35

Yesu notieko, kawacho niya, “Mano e kaka Wuora mae polo bende notim ni ng’ato ka ng’ato kuomu ma ok oweyo ni wadgi gi chunye duto!”

Mathayo 23:15

“Mano kaka unune malit, un jopuonj Chik gi jo-Farisai, mawuondore ni ohero Nyasaye! Ulwororu e nembe gi pinje duto, mondo ulok kata mana ng’at achiel obed jadinu, to ka useloke to umiyo odoko ng’at mowinjore gi mach mak tho moloyo un uwegi nyading’eny!

Mathayo 23:33

Un thuonde ma koth thuonde marichogi! Ere kaka uparo ni dutony e kum mar mach mak tho?

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mathayo 26:59

Jodolo madongo gi jobura duto ne dwaro weche mag mirambo ma digidonjnigo ni Yesu mondo onegi.

Mathayo 3:17

Eka duol nowuoyo gie polo niya, “Ma e Wuoda ma ahero. Chunya mor kode.”

Mathayo 5:34

Anto awachonu ni, kusingoru, to kik ukuong’ru ngang’, kata gi nying polo, ni kech polo en kom duong’ mar Nyasaye,

Mathayo 5:44

An to awachonu ni nyaka uher wasiku, kendo ulam Nyasaye ni joma sandou,

Mariko 14:55

Jodolo madongo kod jobura duto ne dwaro mondo oyud weche ma digidonjgo ni Yesu mondo onegi, to ne ok ginyal nwang’o,

Mariko 15:1

Kane piny oru gokinyi mang’ich jodolo madongo nopimo wach piyopiyo gi jodongo gi jopuonj Chik kod jobura mamoko duto. Eka ne gitueyo Yesu, mi gitero e nyim Pilato.

Luka 12:5

To adwaro nyisou ng’at monego uluor; Luoruru Nyasaye nimar en ema en gi teko, ma, ka oseneg ng’ato to onyalo wito e mach mak tho. Adier awachonu ni, luoruru Jalo!

Luka 22:66

Kane piny oyawore, jodong jo-Yahudi gi jodolo madongo kod jopuonj Chik nochokore, mi oter Yesu e buchgi.

Johana 11:47

Omiyo jo-Farisai kod jodolo madongo noluongo buchgi maduong’, mi openjore ni, “Ng’atni timo timbe madongo mang’eny! Wan to watimo ang’o?

Johana 15:25

Mago duto nyaka timre mondo ochop weche mondiki e Chikgi ni, ‘Ne gimon koda kayiem nono.’

Johana 7:20

Ji nodwoke ni, “Jachien ni kodi! Ng’ano madwaro negi?”

Johana 8:48

Eka jo-Yahudi nowacho ni Yesu ni, “Donge wan kare kwawacho ni in ja-Samaria, kendo ni jachien ni kodi?”

Tich Joote 17:18

Jorieko moko mag jo-Epikurio kod jo-Stoiko bende ne joloso kode. Moko kuomgi ne jowacho niya, “Jawach thoreni koro dwaro wacho ang’o?” Moko to nowacho ni, “Onenore jaland wach nyiseche moko ma wakia.” Ne giwacho kamano nikech nolando Wach Maber kuom Yesu, kendo kuom chier.

Tich Joote 22:30

To jaduong’ lweny ne dwaro ng’eyo malong’o gima omiyo jo-Yahudi donjo ni Paulo, omiyo kinyne nogolo chik mondo ogony nyororo mane otueyego. Eka noluongo jodolo madongo kod jokanyo duto mag bura maduong’ mar jo-Yahudi mondo ochokre, mi nokawo Paulo otero e nyimgi.

Tich Joote 23:1

Paulo norango wang’ jobura tir, mowachonigi niya, “Owetena, asebedo ka chunya ni kare e nyim Nyasaye nyaka chil kawuono.”

Tich Joote 24:20

Kata joma ni kaerigi mondo owach ane ketho mane oyudago kane otera e nyim buchgi maduong’,

Tich Joote 4:15

Kuom mano ne giwacho ni Petro gi Johana mondo owuog oko e od bura, eka ne gichako pimo wach ka gipenjore ni,

Tich Joote 5:21

Joote nowinjo wachne, omiyo kane piny dwaro yawore ne gidhi e Hekalu, mi gichako puonjo ji. Kane jadolo maduong’ obiro gi joge, ne giluongo jodong jo-Yahudi duto e buchgi maduong’. Eka ne gioro wach e jela mondo okel joote e nyimgi.

Tich Joote 5:27

Kamano ne gikelo joote, mi giketo e nyim jobura. Eka jadolo nopenjogi ni,

Tich Joote 6:12

Kamano ne giketho chuny ji kod chuny jodongo gi jopuonj Chik gi wechego, mi gibiro ir Stefano, gimako, kendo gitero e buchgi maduong’.

Tich Joote 6:15

Ji duto mane nie bura nochomo wang’gi tir kuom Stefano mi gineno ka lela wang’e chalo gi lela wang’ malaika.

Tich Joote 7:37

En ema nowacho ni jo-Israel niya, ‘Nyasaye noyiernu janabi moa kuom jou uwegi, mana kaka ne oyiera.’

Jo-Rumi 12:10

Herreuru kaka owete onego herre, ka ng’ato ka ng’ato miyo owadgi duong’ moloyo en owuon.

1 Jo-Korintho 6:10

kata jokuo, kata jogombo, kata jomer, kata joma ketho nying ji, kata jomecho, ok noyud gueth mar Loch Nyasaye.

1 Jo-Korintho 6:6

momiyo ja-Kristo donjo ni ja-Kristo wadgi mana e nyim buch joma ok oyie kuom Kristoni?

Rapar mar Chik 15:11

Pile ubiro bedo gi jochan e pinyu, mano emomiyo achikou ni mondo ubed mang’won ni jo-Israel weteu ma jochan kata manie chandruok.

Rapar mar Chik 16:18

“Unuyier jang’ad bura kod jotend dhoutu e mier duto ma Ruoth Nyasaye ma Nyasachu biro miyou, kendo nyaka ging’ad ni ji bura kare.

1 Jo-Thesalonika 4:6

Kik ng’ato tim ni wadgi marach, kata wuond wadgi e wachni, nikech Ruoth nochul kuor kuom wechegi duto, mana kaka ne wawachonu chon ka wasiemou matek.

Tito 3:2

Nyisgi ni kik giwuo marach kuom ng’ato, kata kik gibed joma ohero dhaw, to gibed joma dwaro kelo winjruok, ka ginyiso ji duto muolo ma gin go.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

Jakobo 2:20

In ng’at mofuwo, idwaro ni mondo onyisi ni yie maonge tim en mana gima nono koso?

Jakobo 3:6

Kamano lep bende en mach. En piny mopong’ gi timbe maricho. Kuom fuondewa, lep ema ketho ringrewa duto, kendo omoko mach e ngima dhano duto. En owuon to imoke e mach mak tho.

1 Petro 2:23

Kane oyanye, to ne ok oyenyo, kendo kane oneno masira, to ne ok osiemo ng’ato, to nochiwore e lwet Jal mang’ado bura kare.

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,

1 Johana 2:9

Ng’at mawacho ni nie ler to mon gi wadgi, pod nie mudho.

1 Johana 3:10

Pogruok manie kind nyithind Nyasaye gi nyithind Satan ong’ere kama: Ng’at ma ok tim gima kare, kata ma ok ohero wadgi, ok en nyathi Nyasaye.

1 Johana 5:16

Ka ng’ato oneno wadgi katimo richo ma ok kel tho, to mondo olamne Nyasaye, to Nyasaye biro miyo owadgino ngima. Mano timore mana ni joma osetimo richo ma ok kel tho. To nitie richo makelo tho. Ok awachi ni mondo olem ni ng’at mosetimo richo ma kamano.

Juda 1:9

To eka kata mana Mikael, malaika maduong’, kane laro gi Satan ringre Musa, to ne ok ohedhore yanye gi weche maricho, to nowachone mana niya, “Ruoth mondo okweri.”

Fweny 20:14

Eka Tho gi Piny Joma Otho ne owit e ataro mar mach. Ataro mar machno en tho mar ariyo.