Mathayo 5:11 - MUMA MALER 2015

¹¹ “Un johawi ka ji yanyou kendo sandou, kawacho weche maricho duto mag miriambo kuomu, nikech an.

Motingʼo Loko Manyien

¹¹ “Un joma ogwedhi ka ji yanyou kendo sandou kendo hangonu wach ni usetimo kit gik maricho duto nikech an.

Mathayo 5:11 Iomraidhean Croise

Zaburi 35:11

Joricho bedo joneno mag miriambo kuoma, kendo gidonjona kuom ketho ma ok ang’eyo.

Zaburi 44:22

To inegowa seche duto nikech in, kendo wachalo mana gi rombe midwaro yang’o.

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Jeremia 37:14

Jeremia to nodwoke ni, “Ooyo, ok adognigi.” To Irija ne ok nyal winjo wachne, omiyo ne omake mi otere e nyim jodongo.

Mathayo 10:18

Noteru e nyim jotelo, kendo e nyim ruodhi nikech an, mi unuland Wach Maber ni jogo, kendo ni joma ok jo-Yahudi.

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Mathayo 10:25

Ber mondo japuonjre obed marom gi japuonjne, kendo misumba bende obed marom gi ruodhe. Ka ji luongo wuon dala ni ruodh jochiende, jo dalane to koro digiyany marom nade!

Mathayo 10:39

Ng’at mohero ngimane, to ngimane nolalne. To ngat mowito ngimane nikech an, to noyud ngimane.

Mathayo 19:29

Kendo ng’ato ka ng’ato moseweyo udi, kata owetene, kata nyiminene, kata wuon, kata min, kata nyithinde, kata lope, nikech an, noyud gigo nyadi mia achiel, kaachiel gi ngima mochwere bende.

Mathayo 24:9

“E ndalogo, ginimaku ma giteru mondo okumu kendo onegu, bende ogendini duto nobed mamon kodu nikech un joga.

Mathayo 27:39

Joma ne kadho kanyo nojaro Yesu, katwenyone umgi,

Mariko 13:13

Ji duto nobed mamon kodu nikech an, to ng’ama otimo kinda nyaka giko ema nokwo.

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Mariko 4:17

to ok omok e chunygi. Omiyo ok gidag aming’a, kendo ka chandruok kata sand moro obiro nikech wachno, to gipodho piyopiyo nono.

Mariko 8:35

nikech ng’ama dwaro reso ngimane, ngimane nolalne. To ng’ama wito ngimane nikech an, kendo nikech Injili, to nores ngimane.

Luka 21:12

“To kapok gigo duto otimore, to nomaku, mi sandu, kendo noteru mondo oyalu e nyim jodong ut lemo, mi ketu e jela. Bende giniteru e nyim ruodhi kod jodongo nikech an.

Luka 21:17

Bende ji duto nobed mamon kodu nikech an.

Luka 6:22

“Adier, un johawi ka ji mon kodu, kendo kwedou, kendo yanyou kawacho ni un joma richo, nikech uyie kuom Wuod Dhano!

Luka 9:24

nikech ng’ama dwaro reso ngimane, ngimane nolalne. To ng’ama owito ngimane nikech an, to nores ngimane.

Johana 15:21

To ginitimnu kamano mana nikech an, nimar gikia Jal mane oora.

Johana 9:28

Bang’ mano ne gijare, ka giwachone ni, “In ema in japuonjrene, wan to wan jopuonjre Musa.

Tich Joote 9:16

An awuon abiro nyise masiche duto ma obiro yudo nikech an.”

Jo-Rumi 8:36

Adier, mago timorenwa mana kaka Muma wacho niya, “Inegowa seche duto nikech in, kendo wachalo mana gi rombe midwaro yang’o.”

1 Jo-Korintho 4:10

Neuru kaka wan joma ofuwo nikech Kristo, to un, un joma riek kuom Kristo! Wan joma nyap, to un utek. Un omiu duong’ ahinya, to wan ochawa!

2 Jo-Korintho 4:11

nimar kata obedo ni wangima, to pile iterowa kar tho nikech Yesu, mondo ngima mar Yesu bende onenre e ringrewa matho.

Jo-Filipi 1:29

Nyasaye onyisou ni oherou, ok mana nikech osemiyo uyie kuom Kristo kende, to nikech osemiyo uneno masira bende nikech en.

1 Petro 2:23

Kane oyanye, to ne ok oyenyo, kendo kane oneno masira, to ne ok osiemo ng’ato, to nochiwore e lwet Jal mang’ado bura kare.

1 Petro 4:14

Ka iyanyou nikech nying Kristo, to kwanreuru ni un johawi, nikech koro Roho man gi duong’ ma en Roho mar Nyasaye, obedo kuomu.

Fweny 2:3

In jakinda, kendo isechandori malit nikech an, to ok iseol.