Mathayo 4:24 - MUMA MALER 2015

²⁴ Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

Motingʼo Loko Manyien

²⁴ Humbe nolandore e piny Siria duto, kendo ji nokelone joma ne tuo gi kit tuoche mayoreyore gi joma ne nigi rem mapek gi joma ne nigi jochiende gi joma ne chunygi yudhore kod joma ne nigi athany, mi nochangogi.

Mathayo 4:24 Iomraidhean Croise

2 Samuel 8:6

Noketo askeche ma jorit e piny jo-Aramgo, mi ne gibedo e bwo lochne, kendo ne gigolone osuru. Kuonde duto mane Daudi dhiye, Ruoth Nyasaye ne miye locho.

1 Ruodhi 10:1

Kane ruoth madhako ma Sheba owinjo humb Solomon korka nying Ruoth Nyasaye, nobiro mondo oteme gi penj mang’eny matek.

1 Ruodhi 4:31

Noriek moloyo ji duto, kata Ethan ja-Ezra, gi Heman, gi Kalkol kod Darda, ma yawuot Mahol. Humbe nolak e pinje duto mokiewo kode koni gi koni.

1 Weche mag Ndalo 14:17

Humb Daudi nolak e pinje duto, kendo Ruoth Nyasaye nomiyo ogendini duto oluore.

1 Weche mag Ndalo 29:2

Asetemo kar nyalona, maiko gik moko ni tich Od Nyasacha, kaka dhahabu gi mula gi nyinyo gi yien kod kite mabeyo ma nengogi tek mag loso ot, kendo mag gedo.

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Mathayo 12:22

Ji moko nokelo ni Yesu ng’ato ma jachien oloko muofu kendo momo. Yesu nochange mi koro ne onyalo wuoyo kendo neno.

Mathayo 14:1

Ndalono ema ne ruoth Herode owinjoe wach Yesu,

Mathayo 15:22

Dhako moro ma nyar Kanaan mane odak e gweng’no nobiro ire, mi okok kaywakne niya, “Ruoth! Wuod Daudi! Yie ikecha. Jachien marach osemako nyara, kendo thage malit.”

Mathayo 17:15

“Jaduong’, yie ikech wuoda, nikech en gi tuo ndulme, kendo chande marach. Pile pile ogore e mach, kendo e pi.

Mathayo 17:18

Eka Yesu nokwero jachiendno matek, mi owuok oko kuom rawerano, mi rawerano ochango mana gikanyo.

Mathayo 4:23

Yesu nowuotho e piny Galili duto, ka puonjo ji e utgi mag lemo. Nolando Wach Maber mar Loch Nyasaye, kendo nochango ji duto man gi tuoche mopogore opogore.

Mathayo 8:28

Kane Yesu osechopo loka machielo, e piny jo-Gadara, ji ariyo mowuok kar yiko jomotho nobiro ire. Jogo ne nigi jochiende, kendo ne giger, ma onge ng’ama ne nyalo kadho kanyo.

Mathayo 8:33

Jokwadh nguruego noringo matek, modok dala, mi ohulo wachno duto, to moloyo ne gihulo gima notimore ni joma ne nigi jochiende.

Mathayo 8:6

“Jaduong’, jatichna nindo e oda kucha, to en gi tuo athany, kendo rem rame malich.”

Mathayo 9:26

Bang’e humb wachno nolandore e gweng’no duto.

Mathayo 9:35

Bang’ mano, Yesu nowuotho e mier madongo gi matindo duto, kapuonjo ji e utgi mag lemo. Nolando Wach Maber mar Loch Nyasaye, kendo nochango tuoche duto mopogore opogore.

Mariko 1:28

Kamano humb Yesu nolandore piyopiyo kuonde duto e piny Galili.

Mariko 1:32

Kane piny ochopo odhiambo ka chieng’ osepodho, ji nokelo joma tuo duto, kaachiel gi joma nigi jochiende ir Yesu,

Mariko 2:3

jomoko ang’wen nobiro ire, koting’o ng’at man gi tuo athany.

Mariko 2:4

To ne ok ginyal chopo ir Yesu, nikech ji ne ng’eny ahinya. Mano omiyo ne gipowo otuch e tado kama ochomore gi Yesu. Eka ne giloro ng’atno piny, konindo e ng’angu.

Mariko 2:9

Ere gima yot kuom weche ariyogi? Wacho ni ng’at matuoni ni, ‘Richoni oweni’ koso wachone ni, ‘Chung’, ikaw ng’anguni mondo idhi’?

Luka 2:2

Kueno mokwongono notimore ka Kwirinio e ruodh Siria.

Luka 4:14

Eka Yesu nodok Galili gi teko mar Roho Maler, kendo humbe nolak e gweng’no duto.

Luka 4:38

Yesu noa e od lemo mi odhi e od Simon, to min chi Simon ne nigi tuo midhusu matek, omiyo ne gikwayo Yesu mondo ochange.

Luka 5:15

To kata kamano humb Yesu nomedo landore ahinya, kendo ji mathoth nobiro mondo owinj puonjne, kendo mondo ochanggi kuom tuochegi.

Luka 5:24

To koro abiro nyisou adier ni Wuod Dhano nigi teko mar weyo ni ji richogi e piny ka.” Eka nowacho ni ng’at matuono niya, “Chung’, ikaw ng’anguni, idog dala!”

Luka 7:17

Humb wachno nolak e Judea duto, kendo e gwenge mokiewo kode.

Johana 10:21

Jomoko to nowacho ni, “Onge ng’at man gi jachien manyalo wacho weche ma kamagi. Bende uparo ni jachien diyaw wang’ ng’at mamuofu?”

Tich Joote 10:38

Ung’eyo kaka Nyasaye noyiero Yesu ja-Nazareth, komiye Roho Maler, kendo omiye teko. Ne odhi kuonde duto, kotimo timbe mabeyo, kendo ochango ji duto mane Satan sando, nikech Nyasaye ne ni kode.

Tich Joote 15:23

Ne gitero barua mondik ni, “Wan joote gi oweteu madongo, wamosou uduto un owete ma ok jo-Yahudi modak Antiokia gi Siria kod Kilikia.

Tich Joote 15:41

Nowuotho e piny Siria gi piny Kilikia duto, kolando wach maber, kendo otego kanyakla duto mag Kristo.

Tich Joote 28:9

Kane mano osetimore ji mamoko duto matuo e chulano nobiro mi ochangi.

Tich Joote 8:7

Jochiende maricho nowuok kaywak matek kuom ji mang’eny, kendo joathany kod pudhe bende ne ochango,

Joshua 6:27

Kamano Ruoth Nyasaye ne ni kod Joshua, mi humbe nolak e pinyno duto.