Mathayo 4:16 - MUMA MALER 2015

¹⁶ “Oganda mane odak e mudho oseneno ler maduong’. Adier, ler oserieny kuom joma ne obet e piny motimo tipo mar tho.”

Motingʼo Loko Manyien

¹⁶ joma odak e mudho oseneno ler maduongʼ; jogo modak e piny ma tipo mar tho oumo, ler oserienynegi.”

Mathayo 4:16 Iomraidhean Croise

Ayub 10:22

En piny motimo mudho kod tipo, ma kata ler en mana mudho.”

Ayub 3:5

Odiechiengno mondo otim luoch kendo otim mudho mandiwa, ka boche polo oime, kendo wang’chieng’ oimore.

Ayub 34:22

kendo onge mudho kata mandiwa manadi, ma joricho nyalo pondonee.

Zaburi 44:19

To kata kamano, ne ibolowa e kind ondiegi! Ee, ne ijwang’owa e mudho mandiwa mar tho.

Isaya 9:1

To ndalo biro ma piny ma yande neno chandruok nobed gi mor. Chon Nyasaye nomiyo piny Zebulun gi piny Naftali obedo pinje michayo, to e ndalo mabiro nomi pinjego duong’. Tiende ni Galili piny ogendini man yo podho chieng’ man aora Jordan, e yo madhi nam Mediterenian.

Isaya 9:2

Ji ma wuotho e mudho none ler maduong’. Adier, ler norieny kuom jogo modak e piny motimo mudho mandiwa.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Amos 5:8

Ruoth Nyasaye ema nochueyo Yugni gi Ratego, kendo en ema omiyo piny ru kendo yuso. Oluongo pi nam mondo obi, kendo oologi e piny.

Mika 7:8

Yaye wasika, kik ogona siboi, nikech kata obedo ni asepodho, to abiro chung’ kendo. Kata obedo ni adak e mudho, to Ruoth Nyasaye nobedna ler.

Luka 2:32

kendo ma biro kelo duong’ ni jogi Israel.”