Mathayo 4:11 - MUMA MALER 2015

¹¹ Bang’ mano, Satan noweyo Yesu mi malaika nobiro motiyone.

Motingʼo Loko Manyien

¹¹ Eka Satan noweye, kendo malaike nobiro motiyone.

Mathayo 4:11 Iomraidhean Croise

1 Ruodhi 19:6

Kane oting’o wang’e, nopo koneno makati kod puga mar pi yo ka wiye. Nochiemo kendo nomodho, eka nochako oriere piny.

Mathayo 26:53

Uparo ni ok anyal kwayo Wuora, mi oorna piyopiyo malaika mang’eny moloyo ogend lweny apar gariyo?

Mathayo 4:6

Nowachone niya, “Ka in Wuod Nyasaye adier, to chikri piny, nikech Muma wacho ni, ‘Nyasaye noket malaikane mondo oriti. Ginitayi gi lwetgi, mondo kik ichwany tiendi e kidi.’ ”

Mariko 1:13

kuma le kod ondiegi nitie, nobet kuno kuom ndalo piero ang’wen, ka Satan teme. To malaika ema ne tiyone kuno.

Luka 22:43

Eka malaika moa e polo nofwenyorene, mi omiye teko.

Luka 22:53

Pile ne an kodu e Hekalu, to ne ok umaka. To koro ma e sa maru, ka teko mar mudho tiyo.”

Luka 4:13

Kane Satan osetieko temo Yesu, e yore duto kamano, ne oweye nyaka chieng’ machielo.

Johana 14:30

Koro okabi wuoyo kodu mathoth, nikech jatend pinyni okayo machiegni. To oonge gi teko kuoma!

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Jo-Hibrania 1:14

Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.

Jo-Hibrania 1:6

To bende kane Nyasaye chiegni kelo Wuode makayo e piny, to ne owacho niya, “Malaika duto mag Nyasaye mondo olame.”