Mathayo 3:6 - MUMA MALER 2015

⁶ Ne gihulo richogi, kendo nobatisogi e aora Jordan.

Motingʼo Loko Manyien

⁶ Kane gihulo richogi, ne obatisogi e Aora Jordan.

Mathayo 3:6 Iomraidhean Croise

Ezra 10:1

Kane Ezra lemo kendo hulo richo, koriere piny kendo oywak e nyim Od Nyasaye, oganda jo-Israel maduong’ nobiro molwore. Ne gin chwo gi mon kod nyithindo, kendo giduto ne giywak malit.

Zaburi 32:5

Bang’e ne ahulo richona e nyimi, kendo ne ok apando timbena mamono. Ne aneno ni ber mondo ahulni richona, mi iweyonagi duto.

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Daniel 9:4

Ne alamo Ruoth Nyasacha kendo ahulo richo mag jowa, ka awacho niya, “A Ruoth Nyasaye in e Nyasaye maduong’ kendo malich. Irito singruok mitimo gi joma oheri kendo marito chikeni, kendo iherogi gi hera mosiko.

Tim jo-Lawi 16:21

Enoket lwetene duto ewi diendno, kendo nohul richo duto mag jo-Israel gi timbe mane giweyogo Ruoth Nyasaye, tiende ni richogi duto. Enowe richogo duto ewi diendno, eka nomiye ng’at ma noyud obet ka rito mondo otere e thim.

Tim jo-Lawi 26:40

“Bang’e ginihul richogi gi richo kweregi mane omiyo giweya, kaachiel gi richo mane omiyo gidoko wasika.

Kwan 5:7

Nyaka ohul ketho mosetimono, kendo nyaka ochul ng’at mokethoneno gima oromo gi kethono, komedoe achiel kuom abich.

Mathayo 3:11

An abatisou gi pi, mondo obed ranyisi ni useloko chunyu, to ng’at ma biro bang’a nigi teko moloya, ma kata mana wuochene ok awinjora ting’o. En obiro batisou gi Roho Maler kendo gi mach.

Mariko 1:5

Ji duto modak e piny Judea kod dala mar Jerusalem nodhi ire. Ne gihulo richogi, kendo ne obatisogi e aora Jordan.

Luka 1:16

Enoduog jo-Israel mang’eny ir Ruoth Nyasachgi.

Luka 3:16

To Johana nowachonigi duto niya, “An abatisou gi pi, to ng’ato biro bang’a man gi teko moloya, ma ok awinjora kata mana gonyo tond wuochene. En obiro batisou gi Roho Maler gi mach.

Tich Joote 1:5

Johana nobatiso ji gi pi, to un ibiro batisou gi Roho Maler kapok ndalo mang’eny okadho.”

Tich Joote 11:16

Eka ne aparo gima ne Ruoth nosewacho niya, ‘Johana nobatiso ji gi pi, to un nobatisu gi Roho Maler.’

Tich Joote 19:18

Ji mang’eny kuom joma oyie nobiro, mi ohulo ratiro kendo onyiso timbe mag ajuoke mane osebedo ka gitimo.

Tich Joote 22:16

To koro ere gima pod irito? A malo obatisi, mondo olwokni richoni, kiluongo nying Ruoth.’

1 Jo-Korintho 10:2

Bedo e bwo bor polono, kendo ng’ado nam kamano ema ne okwan ka batiso mane omiyo giduto gibedo e achiel gi Musa.

Jo-Kolosai 2:12

nikech kane obatisu, to gik moko ariyo notimore: ne oyiku e liel gi Kristo, kendo ne ochieru bende gi Kristo, nikech uyie kuom teko mar Nyasaye mane ochiero Kristo oa kuom joma otho.

Jo-Hibrania 6:2

Wasepuonjou weche mag lwok mopogore opogore, gi yieyo lwedo kuom ji, gi chir mar joma otho, kod kum mochwere.

Jo-Hibrania 9:10

nimar gik mobadhe gin mana chiemo gi gik ma imadho kod tim lwok mopogore opogore. Magi gin mana chik mag tim maoko ma oketi mondo oti nyaka chop kinde ma Nyasaye losoe gik moko manyien.

Jakobo 5:16

Emomiyo, ng’ato ka ng’ato mondo ohul richone ni wadgi, kendo ng’ato ka ng’ato olem ni wadgi mondo obed mangima. Lemo mar ng’at makare nigi teko kendo timo gik madongo.

Joshua 7:19

Eka Joshua nowacho ni Akan niya, “Wuoda, mi Ruoth Nyasaye ma Nyasach Israel duong’, kendo hulne richoni. Nyisa gima isetimo, ma ok ipanda kata achiel.”

1 Petro 3:21

Pigno en ranyisi mar batiso, ma koro resou sani. Batiso ok en golo chilo kuom ringruok, to en singruok motim ni Nyasaye gi chuny maler. Oresou nikech chier mar Yesu Kristo,

1 Johana 1:9

To ka wahulo richowa, to oweyonwagi, kendo opwodhowa kuom tim duto ma ok odhi kare, nikech en jaadiera, kendo otimo mana gima kare.