Mathayo 3:17 - MUMA MALER 2015

¹⁷ Eka duol nowuoyo gie polo niya, “Ma e Wuoda ma ahero. Chunya mor kode.”

Motingʼo Loko Manyien

¹⁷ To dwol moro moa e polo nowacho niya, “Ma en wuoda, ma ahero, kendo chunya mor kode.”

Mathayo 3:17 Iomraidhean Croise

Zaburi 2:7

Ruodhno to wacho kama, “Abiro hulo gima Ruoth Nyasaye osewacho. Nowachona niya, ‘In e wuoda. Tinende asedoko wuoru.

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Isaya 42:21

Ruoth Nyasaye noneno ni ber mondo chikne obed gi duong’, mondo adierane olandre.

Tim jo-Lawi 15:15

Jadolo nokaw akuru achiel, mi notimgo misango mar golo richo, to machielo notimgo misango miwang’o pep. Kamano nopwodh ng’atno e nyim Ruoth Nyasaye, kaka chik dwaro kuom gak mar chuer.

Mathayo 12:18

“Neuru, ma e jatichna ma aseyiero. En ng’at ma ahero, kendo ma chunya morgo. Anaket Roho mara kuome, kendo enonyis ogendini duto adierana.

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Mariko 1:11

Eka duol noa e polo, ma wacho niya, “In e Wuoda mahero. Chunya mor kodi!”

Mariko 9:7

Eka bor polo nobiro moumogi gi tipone, kendo ne giwinjo dwol moro kowacho gi e bor polono niya, “Mae wuoda mahero! Winjeuru.”

Luka 3:22

mi Roho Maler nolor kuome e kido machalo gi akuru. Eka duol noa e polo, mawacho niya, “In e Wuoda ma ahero. Chunya mor kodi.”

Luka 9:35

Eka ne giwinjo duol moro kawacho gie bor polono niya, “Ma e Wuoda ma aseyiero! Winjeuru!”

Johana 5:20

Wuoro ohero Wuowi, kendo onyise gik moko duto ma en owuon otimo, to bende enonyise timbe madongo moloyo magi, mi unuwuor!

Johana 5:37

To Wuoro owuon, mane oora, bende osewuoyo kuoma. Un to pok uwinjo dwonde, kata wang’e bende pok uneno.

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

Jo-Kolosai 1:13

En ema ne oresowa e Loch mudho, mi oterowa e Loch Wuode mohero,

2 Petro 1:17

Nyasaye Wuoro nomiye duong’ gi pak kane dwol obirone moa kuom duong’ mar polo, kawacho niya, “Ma e Wuoda mahero! Chunya mor kode!”

1 Johana 5:9

Ka wanyalo yie ni weche ma dhano wacho gin adier, to nyaka wayie gima Nyasaye wacho moloyo, kendo Nyasaye owuon osenyisowa ni gima owacho kuom Wuode en adier.

Fweny 14:2

Ne awinjo dwol moro moa e polo kawuo ka pi mang’eny, kendo machalo gi polo mamor matek. Chutho, dwol mane awinjono ne chalo mana gi dwond joma goyo thum.