Mathayo 3:11 - MUMA MALER 2015

¹¹ An abatisou gi pi, mondo obed ranyisi ni useloko chunyu, to ng’at ma biro bang’a nigi teko moloya, ma kata mana wuochene ok awinjora ting’o. En obiro batisou gi Roho Maler kendo gi mach.

Motingʼo Loko Manyien

¹¹ “An abatisou gi pi mondo omi ulokru uwe richou. To ngʼato biro bangʼa ma oloya gi duongʼ, ma kata akande ok awinjora tingʼo. En obiro batisou gi Roho Maler kod mach.

Mathayo 3:11 Iomraidhean Croise

Isaya 4:4

Ruoth Nyasaye biro ng’ado bura maliel ka mach, kolwoko chind mond Sayun, kendo opwodho remo mochwer e dalano.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Mathayo 3:6

Ne gihulo richogi, kendo nobatisogi e aora Jordan.

Mariko 1:4

Kamano Johana Jabatiso notucho e thim, kalando wach ni mondo ji oyud batiso kaka ranyisi ni giseloko chunygi, mondo Nyasaye owenigi richogi.

Luka 1:17

Enotel e nyim Ruoth gi teko kod duong’, mana ka teko kod duong’ mar janabi Elija. Enochak okel winjruok e kind wuone gi nyithindo, bende enolok joma wigi tek mondo oluw rieko mar joma kare. Kamano enoik ni Ruoth Nyasaye oganda mowinjore bedo joge.”

Luka 3:16

To Johana nowachonigi duto niya, “An abatisou gi pi, to ng’ato biro bang’a man gi teko moloya, ma ok awinjora kata mana gonyo tond wuochene. En obiro batisou gi Roho Maler gi mach.

Luka 3:3

Nowuotho e gwenge duto mokiewo gi aora Jordan, kolando wach ni ji mondo oyud batiso kaka ranyisi ni giseloko chunygi, mondo Nyasaye owenigi richogi.

Johana 1:15

Johana nonyiso ji wach kuome, kakok niya, “Jali ema yande awuoyo kuome, ka awachonu ni ng’at moro biro bang’a, man gi duong’ moloya, nikech kane pok abetie, en to ne entie.”

Johana 1:30

En e jal ma yande awuoyo kuome kawacho ni, ng’ato biro bang’a maduong’ moloya, nikech kane pok abetie, en to ne entie.

Tich Joote 1:5

Johana nobatiso ji gi pi, to un ibiro batisou gi Roho Maler kapok ndalo mang’eny okadho.”

Tich Joote 19:4

To Paulo nowachonigi niya, “Johana nobatiso ji gi batiso manyiso ni giselokore giweyo richogi. Bende nopuonjogi ni mondo giyie kuom Jal mabiro luwo bang’e, tiende ni Yesu.”

Tich Joote 8:36

To kane oyudo gidhi nyime gi wuoth, ne gichopo kamoro manitie pi, mi ng’atno nowacho niya, “Ne! Pi e e! Ang’o ma koro dimona yudo batiso?” [

Tich Joote 8:38

Bang’ mano, jatelono nogolo chik mondo gari ochung’. Eka giduto ji ariyo, Filipo kod jatelono, ne jodonjo e pi, mi Filipo obatise.

1 Jo-Korintho 12:13

Kamano bende e kaka wan duto, bed ni wan jo-Yahudi kata joma ok jo-Yahudi, kata wasumbini kata joma ni thuolo, to osebatiswa e ringruok achiel kuom Roho achiel, kendo wan duto osemiwa Roho achielno mondo wamadhi.

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

Tito 3:5

nowarowa. Ne ok owarowa nikech tim makare moro amora ma wan wawegi ne wasetimo, to nowarowa mana nikech ng’wonone owuon. Nowarowa gi lwok mane Roho Maler okelonwago nywol manyien kod ngima manyien.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”