Mathayo 28:7 - MUMA MALER 2015

⁷ eka udhi piyo, uwach ni jopuonjrene ni osechier oa kuom joma otho, kendo otelo nyimgi odhi Galili, kuma gibiro nenee. Koro ero, asewachonu!”

Motingʼo Loko Manyien

⁷ Eka mondo udhi mapiyo unyis jopuonjrene ni, ‘Osechier oa kuom joma otho kendo otelo e nyimu odhi Galili. Kuno ema ubiro nenee.’ Ero koro asenyisou.”

Mathayo 28:7 Iomraidhean Croise

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Mathayo 24:25

Ero, koro asenyisou wachno chon.

Mathayo 26:32

To ka osechiera, to natel nyimu adhi Galili.”

Mathayo 28:10

Eka Yesu nowachonigi niya, “Kik ubed maluor, to dhiuru unyis owetena mondo odhi Galili, kuma gibiro nenae.”

Mathayo 28:8

Mongo noa e liel piyopiyo, kaluor, to kendo mor ahinya, mi giringo gidhi nyiso jopuonjrene.

Mariko 14:28

To ka osechiera, to natel nyimu adhi Galili.”

Mariko 16:10

Dhakono nodhi mohulo wachno ni joma yande wuotho gi Yesu, mane oyudo okuyo kendo ywak.

Mariko 16:13

Ne giduogo mi ginyiso jopuonjre mamoko wachno, to ne ok giyie kodgi.

Luka 24:34

kawacho niya, “Ruoth osechier adier, kendo osefwenyore ni Simon!”

Johana 14:29

To bende asenyisou kapok gigi otimore, ni mondo ka gitimore, to uyie.

Johana 16:4

To asenyisou gigi chon, mondo ka kinde ochopo ma gitimoree, to upar ni ne asiemou ni gibiro timore, mondo utang’. “Ne ok anyisou mokwongo, nikech ne pod an kodu.

1 Jo-Korintho 15:4

Noyike, kendo nochier oa kuom joma otho chieng’ mar adek, bende kaka Muma wacho.

1 Jo-Korintho 15:6

Bang’ mano nofwenyore kaachiel ni jopuonjre ma kwan-gi oloyo mia abich, ma ng’enygi pod nitie nyaka chil kawuono, to moko osetho.