Mathayo 28:5 - MUMA MALER 2015

⁵ To malaika nowacho ni mongo niya, “Kik ubed maluor. Ang’eyo ni udwaro Yesu ma nyocha ogur e msalaba,

Motingʼo Loko Manyien

⁵ Malaika nowachone mon-go niya, “Weuru luor, nikech angʼeyo ni umanyo Yesu mane ogur.

Mathayo 28:5 Iomraidhean Croise

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Daniel 10:12

Eka ne ochako owachona niya, “Daniel, kik iluor, nikech Nyasaye nowinjo lemoni mana chieng’ mane ikwongo ketoe chunyi, kisandori e nyime, omiyo koro asebiro mondo adwoki.

Daniel 10:19

Nowachona niya, “Nyasaye oheri, omiyo kik chunyi parre kata kik iluor, to bed abeda gi chir.” Kane osewuoyo koda kamano, ne awinjo ka achako yudo teko moko, mi awachone niya, “Jaduong’ wachna gima idwaro nyisa nikech koro iseduogona teko.”

Mathayo 14:27

To gikanyono Yesu nowuoyo kodgi, ka wacho niya, “Beduru gi kue! Kik ubed maluor, en mana an!”

Mathayo 28:10

Eka Yesu nowachonigi niya, “Kik ubed maluor, to dhiuru unyis owetena mondo odhi Galili, kuma gibiro nenae.”

Mathayo 28:4

Jorit ne luoro omako malich mi otetni, kendo olokore mana ka joma osetho.

Mariko 16:6

To wuowino nowachonigi ni, “Kik ubwogi. Ang’eyo ni udwaro Yesu ja-Nazareth manyocha ogur e msalaba. To osechier, oonge ka. Neuru! Kaeri e kama nyocha giketee.

Luka 1:30

Malaika nowachone ni, “Kik ibed maluor, Maria, nikech Nyasaye osetimoni ng’wono.

Luka 24:5

Mon-go nobwok ahinya, mosiko mana ka okulo wigi piny. To jogo nopenjogi niya, “Marang’o umanyo ng’at mangima e kind joma otho?

Tich Joote 2:24

To bang’ thone, Nyasaye nochiere, morese kuom rem mar tho, nikech tho ne ok nyal tueye,

Jo-Hibrania 1:14

Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.