Mathayo 27:51 - MUMA MALER 2015

⁵¹ Gikanyono nanga mane ogeng’o Kama Ler mar Hekalu noriedore diere ariyo, chakre malo nyaka piny. Piny noyiengni, kendo lwendni nobarore.

Motingʼo Loko Manyien

⁵¹ Mana gisano pasia mar hekalu noyiech e diere tir, chakre malo nyaka piny. Piny noyiengni kendo lwendni nobarore.

Mathayo 27:51 Iomraidhean Croise

2 Weche mag Ndalo 3:14

Noloso pasia gi law mambulu, gi maralik, gi makwar, kod law katana maber, motwang’ie kido mag Kerubi.

Zaburi 18:15

Kane Ruoth Nyasaye okudho ka yamb nyakoyi, kendo okwero wasike, to mise mag piny noelore, kendo kude mag nam nofwenyore.

Zaburi 18:7

Piny notetni kendo oyiengni. Mise mag gode bende notetni kendo okirni nikech mirimb Nyasaye.

Wuok 40:21

Noketo sanduk e Hema Maler, mogeng’e gi pasia. Kamano nogeng’o Sandug Rapar kaka Ruoth Nyasaye nochike.

Isaya 25:7

Ewi godni ema Ruoth Nyasaye nogolie kanik moumo wang’ ogendini duto.

Tim jo-Lawi 16:2

Ruoth Nyasaye nowacho ni Musa niya, “Nyis Harun owadu ni kik okadh pasia, mi odonj e Kama Ler e nyim raum Sandug Muma miluongo ni kar ng’wono, mak mana e kinde moketi, nono to otho, nikech afwenyora gi e bor polo man ewi raum.

Tim jo-Lawi 21:23

To kik osud machiegni gi Pasia kata gi kendo-mar-misango, nikech dipo ka omiyo kuondena maler obedo mogak nimar orang’ol. An e Ruoth Nyasaye mapwodhogi.”

Habakuk 3:10

bende ka gode orangi, to tetni ka luoro omako. Ohula mwomo ka ridore, kendo nam matut wuo matek ka apaka gingore.

Habakuk 3:13

Ibiro mondo ires jogi, kaachiel gi ruoth miseyiero. Iseketho od jaricho, chakre tado nyaka dier ot, kimuko mise mare chuth.

Kwan 4:5

Ka udaro kambiu, to Harun gi yawuote nyaka bi mi lor pasia mogeng’o Kama Ler moloyo, kendo giumgo Sandug Rapar.

Mathayo 27:54

Kane jaduong’ lweny kod joma ne konye rito Yesu oneno kaka piny yiengni, kendo kaka gik moko timore, ne gibedo maluor ahinya, mi giwacho niya, “Adier, ng’atni ne en Wuod Nyasaye!”

Mathayo 28:2

To piny noyiengni matek apoya nono, kendo malaika mar Ruoth Nyasaye nolor koa e polo, mong’ielo kidi mane olorgo dho bur gi chien, mobetie.

Mariko 15:38

kendo nanga mane ogeng’o Kama Ler mar Hekalu noriedore diere ariyo, chakre malo nyaka piny.

Luka 23:45

Nanga mane ogeng’o Kama Ler mar Hekalu noriedore diere ariyo.

Luka 23:47

Kane jaduong’ lweny oneno gima otimore, nomiyo Nyasaye duong’, kowacho ni, “Adier jali ne en ng’at makare!”

Jo-Hibrania 6:19

Genoni ema wan go. Ochalo gi loch mogur, motue chunywa kuome. Ok ong’ingni, to omoko matek ta. Okadho nanga mar rageng’, mi odonjo kama Ler Moloyo.

Jo-Hibrania 9:3

To tok nanga mar rageng’ mar ariyo, ne nitie Hema moro miluongo ni Kama Ler Moloyo.

Fweny 11:13

Gikanyono, piny noyiengni matek, mi bath dalano moromo achiel kuom apar nomukore, kendo ji alufu abiriyo notho. To joma odong’ nobwok malich, kendo nomiyo Nyasaye duong’!

Fweny 11:19

Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.