Mathayo 27:3 - MUMA MALER 2015

³ Kane Judas, jandhok Yesu oneno ni oseng’ad ni Yesu buch tho, chunye nodoko malit ahinya, nodwoko siling’ piero adek kande ni jodolo madongo kod jodong oganda,

Motingʼo Loko Manyien

³ Ka Judas, ngʼat mane ondhoge oneno ka osengʼadne Yesu buch tho, luoro nomake mi nodwoko pesa mamingli mag fedha piero adek ne jodolo madongo gi jodongo,

Mathayo 27:3 Iomraidhean Croise

Ayub 20:5

onge jaricho mosebedo mamor aming’a, kendo ilo mar ng’at ma ok dew Nyasaye rumo piyo.

Wuok 21:32

To ka rwath onego misumba ma dichwo kata madhako, to wuon rwadh-no nyaka chul ruodh misumbano fedha moromo nus kilo, kendo rwadhno nyaka go gi kite mi tho.

Zekaria 11:13

Bang’e Ruoth Nyasaye nowachona niya, “Ket pesago kar keno mar Hekalu.” Omiyo ne akawo shekel piero adek mag fedhago, mane giparo ni ema oroma, mi aketo kar keno mar Hekalu mar Ruoth Nyasaye.

Johana 13:2

Yesu gi jopuonjrene ne koro chiemo. To noyudo Satan oseketo paro e chuny Judas wuod Simon Iskariot ni mondo ondhoge.

Johana 13:27

To kane Judas ochamo kuonno, Satan nodonjo kuome. Eka Yesu nowachone ni, “Gima ibiro timo, tim piyo.”

Johana 18:3

Kuom mano Judas nokawo askeche moko kod jorit Hekalu kuom jodolo madongo gi jo-Farisai, mi odhigo e puodhono. Ne gimanore gi gilweny, kendo ne giting’o teyni gi meny

Tich Joote 1:18

(Ng’at ma Judasni nong’iewo nong’iewo puodho gi pesa mane oyudo kuom richone. To nopodho piny gi bund iye kanyo, mi iye obarore, kendo dhokchinde oo oko.

2 Jo-Korintho 7:10

Kuyo ma ng’ato bedogo e yo ma Nyasaye dwaro, miyo olokore, kendo kelone warruok maonge ywago ang’e. Kuyo mar piny to kelo tho.