Mathayo 27:23 - MUMA MALER 2015

²³ To nochako openjogi ni, “Ere gima rach mosetimo, momiyo onego ogure?” To ne gimedo kok moloyo, ka giwacho ni, “Gure!”

Motingʼo Loko Manyien

²³ Pilato nopenjogi niya, “Nangʼo? En ketho mane mosetimo madimi gure?” To negimedo kok matek moloyo kagiwacho niya, “Gure!”

Mathayo 27:23 Iomraidhean Croise

Ngeche 16:30

Tang’ ni ng’ama buonjo kodi, ka simi gi wang’e, nimar nyaka bed ni ochano timo gimoro marach.

Mathayo 27:22

Eka Pilato nopenjogi ni, “To ka kamano, to atim ang’o gi Yesu miluongo ni Mesia?” Giduto ne gidwoke niya, “Gure e msalaba!”

Mathayo 27:24

Kane Pilato oneno ni ok ginyal yie kode, kendo tulo ema dwaro wuok, nokawo pi, mologo e nyim ji, kowacho niya, “An aonge bura kuom remb ng’atni. Mano en wachu!”

Luka 23:4

Bang’ mano, Pilato nowacho ni jodolo madongo kod joma nochokore duto ni, “Ok ayudo jali gi ketho.”

Tich Joote 13:28

To kata obedo ni ne ok ginyal yudo gima omiyo owinjore ging’adne buch tho, to pod ne gichuno achuna Pilato mondo ogol chik onege.

Tich Joote 23:10

To kaka ne gimedo dhaw ka gidwokore matek, jaduong’ lweny ne luor ni dipo ka giyiecho Paulo matindotindo, omiyo nogolo chik mondo askeche olor ogole oko e bura, kendo odwoke kama askeche odakie.

Tich Joote 7:57

Eka ne gikok matek ka gidino itgi gi luetgi, mi gimwomore kuome rat.