Mathayo 27:19 - MUMA MALER 2015

¹⁹ Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

Motingʼo Loko Manyien

¹⁹ Kane oyudo Pilato obet e kom jongʼad bura, chiege nokowone wach niya, “Walri iaye wach ngʼat maonge kethono, nimar wachne nochanda ahinya kawuono e lek mane aleko kuome.”

Mathayo 27:19 Iomraidhean Croise

Chakruok 31:11

Malaika mar Nyasaye nowuoyo koda ka aleko, moluonga niya, ‘Jakobo’. Mi nadwoke ni, ‘Antie’

Chakruok 31:24

To Nyasaye nofwenyore ni Laban ja-Aram e lek gotieno, mowachone niya, “Kik iwach ni Jakobo gimoro amora.”

Chakruok 31:29

An gi teko mar hinyi, to Nyasach wuoru nyoro owuoyo koda, ka kwera ni kik awachni gimoro amora.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 53:11

Bang’ chandruokne duto enone ler, kendo enong’e malong’o ni osetimo gima kare. Kaka jatichna en ng’at makare, omiyo en bende enomi ji mang’eny bedo joma kare, koting’o richogi.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Mathayo 1:20

To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

Mathayo 2:19

Bang’ tho Herode malaika mar Ruoth nofwenyore ni Josef e lek, ka en Misri,

Mathayo 2:22

To kane owinjo ni Arkelao osebedo ruoth Judea kar Herode wuon mare, ne oluoro dok kuno. Ne onyise e lek gima onego otim, omiyo ne odhi e piny Galili,

Mathayo 27:18

Nowacho kamano nikech nong’eyo maber ni gitero Yesu ire mana nikech nyiego.

Mathayo 27:24

Kane Pilato oneno ni ok ginyal yie kode, kendo tulo ema dwaro wuok, nokawo pi, mologo e nyim ji, kowacho niya, “An aonge bura kuom remb ng’atni. Mano en wachu!”

Mathayo 27:4

kowachonigi niya, “Asetimo richo kuom ndhogo remo ma onge ketho.” To ne gidwoke ni, “Mano obadho mana in! Ok en wachwa.”

Luka 23:41

To wan okumwa kare, nikech wayudo gima owinjore gi timwa. Jali to onge gima rach mosetimo.”

Luka 23:47

Kane jaduong’ lweny oneno gima otimore, nomiyo Nyasaye duong’, kowacho ni, “Adier jali ne en ng’at makare!”

Johana 19:13

Kane Pilato owinjo wechego, nogolo Yesu oko. Eka nobet e kom bura, kama iluongo ni Laru mar Kidi. (Laruno iluongo gi dho Hibrania ni, Gabatha)

Tich Joote 12:21

Chieng’ moro moyiedhi, Herode ne orwako lepe mag duong’, kendo ne obet e kom duong’ne, mi ochako wuoyo ni ji.

Tich Joote 18:12

To kane Galio odoko ruodh Akaya, jo-Yahudi nochokore, mi omwomore kuom Paulo, moter e bura,

Tich Joote 18:16

Bang’ mano, noriembogi gia e od bura.

Tich Joote 18:17

Eka giduto ne gimako Sosthene, ma jaduong’ od lemo, mi gichwado e nyim bura, to Galio ne ok odewo gima gitimo kata matin.

Tich Joote 25:10

Paulo to nodwoke ni, “Achung’ e nyim kom ng’ado bura mar Kaisar, omiyo kaeri ema owinjore ng’adnae bura. Onge gima rach ma asetimo ni jo-Yahudi, kaka ing’eyo maber chuth!

Tich Joote 25:17

Omiyo kane gibiro kaeri, to kinyne ne abet e kom bura ma ok adeko, kendo ne agolo chik mondo okel ng’atno e nyima.

Tich Joote 25:6

Kane Festo osebet kodgi kuom ndalo ma ok oloyo aboro kata apar, ne odok Kaisaria, kendo kinyne nobet e kom ng’ado bura, mogolo chik mondo okel Paulo e nyime.

1 Petro 2:22

Muma wacho niya, “Ne ok otimo richo, bende miriambo ne ok owuok e dhoge.”

1 Johana 2:1

Nyithinda, andikonu wechegi mondo kik utim richo, to ka ng’ato otimo richo, to wan gi Jakony masayonwa Wuoro. En Yesu Kristo, Jal makare.