Mathayo 27:14 - MUMA MALER 2015

¹⁴ To Yesu ne ok odwoko kata wach achiel, omiyo ruoth nowuoro ahinya.

Motingʼo Loko Manyien

¹⁴ To Yesu nolingʼ alingʼa ma ok odwoke kata wach achiel mane odonjnego, kendo mano nomiyo ruoth owuoro ahinya.

Mathayo 27:14 Iomraidhean Croise

Zaburi 71:7

Ngimana osebedo ka odhiero ji mang’eny, to in e jaritna maratego.

Isaya 8:18

An kaachiel gi nyithindo ma Ruoth Nyasaye osemiya, wan ranyisi ma Ruoth Nyasaye Manyalo Gik Moko Duto modak e got Sayun oseoro, manyisogi gik mabiro timore.

Zekaria 3:8

Koro yaye Joshua jadolo maduong’, in kaachiel gi jowadu mobet e nyima ka, chikuru itu. Un duto un ranyisi maber mar gik mabiro. Abiro kelo jatichna miluongo ni Badyath.

Mathayo 26:63

Yesu to noling’ aling’a thi. Jadolo maduong’ nowachone niya, “Aketi mondo ikuong’ri gi nying Nyasaye Mangima: Nyiswa ane ka in Kristo, Wuod Nyasaye.”

Mathayo 27:12

To kane jodolo madongo gi jodong oganda ochung’ donjone, to ne ok odwoko gimoro.

Mathayo 27:13

Eka Pilato nowachone niya, “Donge iwinjo weche madongo ma jogi donjonigogi?”

Mariko 15:5

To Yesu noling’ aling’a. Mano ne omiyo Pilato owuoro.

Luka 23:9

Ne openjo Yesu weche mang’eny, to Yesu ne ok odwoke kata wach achiel.

Johana 19:9

omiyo nochako odok e od bura, mi openjo Yesu ni, “Ia kanye?” To Yesu ne ok odwoke.

1 Jo-Korintho 4:9

To nenore ni Nyasaye oseketowa wan joote, ka joma odong’ chien mogik ni ji duto, kendo ka joma ong’adnigi buch tho, nikech oseketwa ka gima piny duto rango. To ok mana ji kende ema rangowa, to koda ka malaika bende!