Mathayo 27:12 - MUMA MALER 2015

¹² To kane jodolo madongo gi jodong oganda ochung’ donjone, to ne ok odwoko gimoro.

Motingʼo Loko Manyien

¹² Kane jodolo madongo gi jodongo odonjone, ne ok odwoko gimoro amora.

Mathayo 27:12 Iomraidhean Croise

Isaya 53:7

Ne osande, kendo ne oyie mondo ochwade, to ne ok owacho gimoro, to noling’ thi mana ka rombo mitero kar yeng’o, kata ka rombo manie nyim joma ng’ado yiere.

Mathayo 26:63

Yesu to noling’ aling’a thi. Jadolo maduong’ nowachone niya, “Aketi mondo ikuong’ri gi nying Nyasaye Mangima: Nyiswa ane ka in Kristo, Wuod Nyasaye.”

Mathayo 27:13

Eka Pilato nowachone niya, “Donge iwinjo weche madongo ma jogi donjonigogi?”

Mathayo 27:14

To Yesu ne ok odwoko kata wach achiel, omiyo ruoth nowuoro ahinya.

Luka 23:9

Ne openjo Yesu weche mang’eny, to Yesu ne ok odwoke kata wach achiel.

Tich Joote 8:32

To kama ne oyudo osomo e Muma ne wacho kama: “Ne ok owacho gimoro, to noling’ thi, mana ka rombo mitero kar yeng’o, kata ka rombo manie nyim joma ng’ado yiere.

1 Petro 2:23

Kane oyanye, to ne ok oyenyo, kendo kane oneno masira, to ne ok osiemo ng’ato, to nochiwore e lwet Jal mang’ado bura kare.