Mathayo 26:72 - MUMA MALER 2015

⁷² To ne ochako okwer kendo, kokuong’ore niya, “Ok ang’eyo ng’atno!”

Motingʼo Loko Manyien

⁷² To nodagi wachno kendo nokwongʼore kowacho niya, “Ok angʼeyo ngʼatno!”

Mathayo 26:72 Iomraidhean Croise

Wuok 20:7

“Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok ni kare.

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Zekaria 8:17

Kik ng’ato chan timo gima mono ni wadgi, kendo kik ukuong’ru gi miriambo, nikech amon gi gik ma kamago duto. An Ruoth Nyasaye Manyalo Gik Moko Duto ema awacho kamano.”

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 26:71

Nyako machielo nonene kuno, mowacho ni joma ne ni kanyo niya, “Jali bende ne ni kod Yesu ja-Nazareth.”

Mathayo 26:73

Bang’ kinde matin, joma nochung’ kanyo nosudo machiegni, mowacho ni Petro niya, “Kwerie ane ka ok in achiel kuomgi, nikech dhok miwacho ema fwenyi.”

Mathayo 26:74

Eka nochako kuong’ore, koramo ni, “Ok ang’eyo ng’atno.” To gikanyono thwon gweno nokok,

Luka 22:34

To Yesu nodwoke niya, “Petro awachoni ni thwon gweno ok ang’ nokog tinende kapok ikweda didek ni ok ing’eya.”